Corona Virus Update: सावधान, सावधान; कोरोनाचा NB.1.8.1 व्हेरियंट सर्वोत जास्त धोकादायक, WHO कडून मार्गदर्शक सूचना जारी

कोरोना या संसर्गामुळे पुन्हा एकदा जगात कहर माजवलाय. अमेरिका, सिंगापूर, हाँगकाँग, थायलंडसह भारतातही कोरोना संसर्गाची प्रकरणे झपाट्याने वाढू लागले आहेत. जागतिक आरोग्य संघटनेने (WHO) कोविडच्या नवीन प्रकरणांमध्ये वाढ झाल्याबद्दल चिंता व्यक्त केली जातेय.

अनेक देशांमध्ये कोरोनाचे नवीन प्रकार वेगाने पसरत आहेत. सध्या परिस्थिती गेल्या वेळेइतकी भयानक नाही. तरीही सावधगिरी बाळगणे आवश्यक आहे. जागतिक आरोग्य संघटनेने (WHO) कोरोनाच्या नवीन व्हेरियंटबद्दल काय म्हटले आहे. आपण कोणत्या गोष्टी लक्षात ठेवल्या पाहिजेत ते जाणून घेऊया.

नव्या व्हेरियंटबाबत WHO चा इशारा

कोरोनाचे अनेक नवीन प्रकार उदयास येत असल्याचे WHO ने म्हटलंय. यामध्ये NB.1.8.1, JN.1 आणि KP.2 सारखे प्रकार समाविष्ट आहेत, जे ओमिक्रॉनचे उप-प्रकार आहेत. NB.1.8.1 व्हेरियंट चीन, अमेरिका आणि काही युरोपीय देशांमध्ये ते वेगाने पसरतोय. त्याचवेळी, भारतासह अनेक देशांमध्ये कोरोनाच्या दोन्ही उप-प्रकार NB.1.8.1 आणि LF.7 च्या प्रकरणांमध्ये वेगाने वाढ झालीय. यामुळे, भारतात संसर्गात झपाट्याने वाढ नोंदवली गेलीय.