Money Laundering Case : नोरा फतेही रडारवर, तपासात उघड झाली धक्कादायक माहिती

मुंबई : मनी लॉण्डरिंगमध्ये अटक केलेल्या सुकेश चंद्रशेखर प्रकरणात नवनवीन ट्विस्ट समोर येत आहेत. अभिनेत्री जॅकलिन फर्नांडिसची इडीने बुधवारी चौकशी केली. त्यानंतर आज १५ सप्टेंबरला EOW ने अभिनेत्री नोरा फतेहीची कसून चौकशी केली. या प्रकरणातील महत्वाची सूत्रधार पिंकी ईरानी नोरासोबत चौकशीदरम्यान हजर होती. (Constitution of Economic Offence Wing investigates nora fatehi)

ईडीने केलेल्या तपासानंतर तसेच महत्वाचे पुरावे हाती लागल्यानंतर नोरा फतेहीला महत्वाचे प्रश्न विचारण्यात आले. एका इव्हेंटबद्दल नोराची चौकशी करण्यात आली. २०२२ मध्ये नोरा या इव्हेंटमध्ये सहभागी झाली होती. हा इव्हेंट चेन्नईत झाला होता. त्यानंतर पोलिसांनी सुकेशसोबत केलेल्या चॅटिंगबद्दल नोराची विचारपूस केली होती.

नोराने पोलिसांना काय सांगितलं ?

इव्हेंटचं आयोजन एलएस कॉर्पोरेशन आणि नेल आर्टिस्ट्री (लीना मारीया) ने केला होता. डिसेंबर २०२० मध्ये या इव्हेंटचं आयोजन चेन्नईच्या एका फाईव्ह स्टार हॉटेलमध्ये करण्यात आलं होतं. तपास सुरु असताना नोराने जबाब दिला की, इव्हेंट चांगला होता. लीना मला भेटली होती. तिने मला गूचीची बॅग आणि आयफोन दिला होता. माझे पती तुमचे मोठे चाहते आहेत, असं लीनाने मला सांगितलं. पण आता तु्म्हाला भेटू नाही शकत. तुम्ही त्यांच्याशी फोनवर बोला. तिने फोन स्पीकरवर ठेवला होता. त्यांनी (शेखर) ने माझे आभार मानले. आम्ही दोघेही तुमचे चाहते असल्याचं त्यांनी सांगितलं. त्यानंतर लीनाने माझ्यावर असलेल्या प्रेमापोटी बीएमडब्लू कार गिफ्ट करणार असल्याचं सांगितलं.