Voter Scam: हरियाणात 25 लाख व्होट चोरी; राहुल गांधींनी फोडला हायड्रोजन बॉम्ब

राहुल गांधींनी व्होटचोरीवरून हायड्रोजन बॉम्ब टाकलाय...हरियाणा विधानसभा निवडणुकीत मतदार याद्यांचा मोठा घोळ झाल्याचा आरोप केलाय. हरियाणात तब्बल 25 लाख मतांची चोरी झालीय. आणि यामुळेच काँग्रेसचा पराभव झाल्याचा आरोप राहुल गांधींनी केलाय. आणि हाच पॅटर्न बिहार निवडणुकीत वापरण्यात येणार असल्याचा दावाही त्यांनी केलाय.

व्होट चोरीचं प्रेझेंटेशन करताना राहुल गांधींनी एका तरुणीचा फोटो दाखवत मोठा गौप्यस्फोट केलाय. कधी सीमा तर कधी स्वीटी या नावानं मतदारयाद्यांमध्ये वारंवार दिसणाऱ्या ब्राझीलच्या मॉडेलनं हरियाणात तब्बल 22 वेळा मतदान केल्याचा खळबळजनक आरोप केलाय. त्यामुळे व्होट चोरीचं इंटनॅशनल कनेक्शन समोर आलंय. भाजपनं मात्र हे आरोप फेटाळून लावले आहेत.

एकाच बुथवर एका महिलेचे 223 वेळा मतदार म्हणून नाव आढळले. आठ मतदारांमध्ये एक फेक मतदार असल्याचा आरोप त्यांनी केलाय. दालचंद नावाचा व्यक्ती उत्तर प्रदेश आणि हरियाणामध्ये अशा दोन्ही ठिकाणी मतदान करतोय. कॅटेगिरीनुसार 5 लाख 21 हजार दुबार मतदार आहेत. 93 हजार 174 मतदारांचे मतदारयादीत पत्ते चुकीचे आहेत.

महाराष्ट्रातील विधानसभा निवडणुकांनंतर राहुल गांधींनी असाच व्होट चोरीचा बॉम्ब फोडून निवडणुक आयोगाविरोधात हल्लाबोल केला होता.मात्र आता बिहार विधानसभा आणि महाराष्ट्राच्या स्थानिक स्वराज्य संस्थांच्या निवडणुकीआधी राहुल गांधींनी हरियाणातील व्होट चोरीवर हायड्रोजन बॉम्ब टाकल्यानं आता मुद्दा पुन्हा तापलाय.