भारतीय तटरक्षक दलाने 10 पाकिस्तानींना पकडले; बोटही केली जप्त

वृत्तसंस्था : भारतीय सागरी हद्दीमध्ये शिरलेल्या १० पाकिस्तानी (Pakistan) नागरिकांना तटरक्षक दलाने पकडल्याची माहिती मिळाली आहे. सर्व पाकिस्तानी नागरिक 'यासीन' (Yasin) नावाच्या बोटीसह (boat) अरबी समुद्रात (Arabian Sea) भारतीय (Indian) सागरी हद्दीमध्ये शिरले होते. काल रात्रीच्या सुमारास एक ऑपरेशन (Operation) राबवून तटरक्षक दलाने ही मोठी कारवाई केली आहे.

हे देखील पहा-

यावेळी सुरक्षा दलाने एक पाकिस्तानी बोट देखील ताब्यात घेतली आहे. संबंधित सर्वांना चौकशीकरिता पोरबंदर याठिकाणी आणण्यात आले आहे.

संबंधित नागरिकांची कसून चौकशी केली जात आहे. भारतीय सागरी हद्दीमध्ये घुसखोरी केलेल्या बोटीला पकडण्याची ही पहिली वेळ नाही.

याअगोदर देखील भारतीय तटरक्षक दलाने खूपवेळा पाकिस्तानी बोटीवर कारवाई (Action) केली आहे. अलीकडेच मागील वर्षी सप्टेंबर महिन्यामध्ये तटरक्षक दलाने एका पाकिस्तानी बोटीला पकडले होते. यावेळी संबंधित बोटमध्ये १२ पाकिस्तानी नागरिक होते.

Edited By- Digambar Jadhav