कर्नाटकातील पराभवानंतर BJP सावध! सर्व खासदारांना 30 मे ते 30 जूनदरम्यान मतदारसंघातच राहण्याच्या सूचना

Latest Political News : नागरिकांशी भेटावं, नागरिकांचे प्रश्न जाणून घ्यावेत, प्रत्येक विधानसभा मतदारसंघात मुक्काम करावा असे आदेश दिले आहेत.
BJP cautious after defeat in Karnataka
BJP cautious after defeat in KarnatakaSAAM TV

BJP cautious after defeat in Karnataka : कर्नाटकातील पराभवानंतर लोकसभा निवडणुकीच्या पार्श्वभूमीवर भारतीय जनता पक्ष सावध झाला असून आतापासूनच लोकसभा निवडणुकीच्या तयारीला लागला आहे. भाजपाने देशभरातील आपल्या सर्व खासदारांना 30 मे ते 30 जून दरम्यान मतदार संघातच राहण्याच्या सूचना केल्या आहेत. या दरम्यान त्यांनी नागरिकांशी भेटावं, नागरिकांचे प्रश्न जाणून घ्यावेत, प्रत्येक विधानसभा मतदारसंघात मुक्काम करावा असे आदेश दिले आहेत.

केंद्रीय अर्थराज्य मंत्री भागवत कराड (Bhagwat Karad) यांनी याविषयी माहिती माहिती दिली आहे. पक्षाकडून 30 मे ते 30 जून दरम्यान देशभरात अभियान राबवलं जाणार आहे. यात नेत्यांना, पदाधिकाऱ्यांना आणि कार्यकर्त्यांना लोकांच्या भेटीगाठी घेऊन त्यांचे प्रश्न जाणून घेण्याच्या सूचना पक्षाकडून देण्यात आल्या आहेत. हे पक्षाकडून राबवलं जाणारं एक संपर्क अभियान आहे. या अभियानांतर्गत लोकांचे समस्या, प्रश्न, अडचणी आणि लाभार्थ्यांच्या तक्रारी जाणून घेण्यात येणार असल्याची माहिती कराड यांनी दिली आहे.

BJP cautious after defeat in Karnataka
Maharashtra Politics: ठाकरे गटाचे आमदार आज विधानसभा सचिवांना भेटणार, अपात्रतेबाबत निर्णय घेण्यासाठी देणार पत्र

भाजप युवकांना घालणार साद

आगामी लोकसभा, विधानसभा आणि पालिका निवडणुकीआधी भाजप युवकांना साद घालणार आहे. तरुण मतदारांपर्यत पोहोचण्यासाठी भाजपकडून युवा संवाद मेळ्याव्याचं आयोजन करण्यात येणार आहे. येत्या 18 मे रोजी भाजपकडून युवा संवाद मेळाव्याचे आयोजन केले जाणार असून या युवा संवादातून तरुणांना करिअरबाबत मार्गदर्शन करण्यात येणार आहे. भाजपचे राष्ट्रीय अध्यक्ष जे. पी. नड्डा या मेळाव्याला उपस्थित राहणार आहेत. (Latest Political News)

BJP cautious after defeat in Karnataka
Mumbai fire: सकाळी चहा करण्यासाठी गॅस सुरु केला, अन् लागली मोठी आग; संपूर्ण कुटुंब भाजले

कर्नाटकात भाजपचा मोठा पराभव

कर्नाटक विधानसभा निवडणुकीत भाजपचा मोठा पराभव झाला आहे. काँग्रेसने भाजपचा सुपडा साफ करत 135 जागांवर विजय मिळवला आहे. भाजपचे सर्व प्रमुख नेत्यांनी प्रचार करून देखील भाजपला या मोठ्या पराभवाचा सामना करावा लागला. या निवडणुकीत विजयाचा दावा करणाऱ्या भाजपला कर्नाटकच्या जनतेने नाकारलं. त्यामुळे भाजपची 65 जागांवर घसरगुंडी झाली आहे. या निकलानंतर भाजप सावध झाला असून देशभरात खासदारांना आपापल्या मतदारसंघात जाऊन जनतेच्या समस्या आणि तक्रारी जाणून घेण्याच्या सूचना पक्षाने दिल्या आहेत. (Latest Marathi News)

Edited By - Chandrakant Jagtap

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com