बिहार : बिहारमधील मुझफ्फरपूर येथील कारखान्यात एक दुर्घटना घडली आहे. येथे बॉयलरचा स्फोट झाल्याय. या अपघातात पाच मजुरांचा मृत्यू झाल्याची माहिती आहे. ही घटना मुझफ्फरपूर जिल्ह्यातील बेला इंडस्ट्रियल एरियातील एका खासगी मॅगी-कुरकुरे कारखान्यात घडली आहे. मिळालेल्या माहितीनुसार, रविवारी सकाळच्या सुमारास कामगार कंपनीत काम करत होते, त्याचवेळी बॉयलरचा मोठा स्फोट झाला.
बॉयलरचा स्फोट (Blast) झाल्यामुळे कारखान्यात एकच खळबळ माजली. मिळालेल्या माहितीनुसार, या घटनेत अनेक मजूर जखमी झाले असून बचावकार्य सुरू आहे. या अपघातात आणखी किती जणांचा मृत्यू झाला आहे किंवा किती जण गंभीर जखमी आहेत, याचा अधिकृत आकडा सध्या उपलब्ध नाही.
हेही वाचा -
मुझफ्फरपूर येथील मॅगी कारखान्यात हा प्रकार घडला. हा स्फोट इतका जोरदार होता की त्यामुळे शेजारील चुडा आणि पिठाच्या कारखान्याचेही नुकसान झाले आहे. ही घटना सकाळी 9 वाजून 15 मिनिटांनी घडल्याची माहिती आहे. बॉयलर फुटण्याच्या वेळी झालेला स्फोट इतका जोरदार होता की त्याचा आवाज 5 किलोमीटरपर्यंत ऐकू आला.
बचावकार्य सुरु
या प्रकरणाची माहिती मिळताच मदत आणि बचावकार्य सुरु करण्यात आले आहे. अग्निशमन दलाच्या 5 गाड्या घटनास्थळी दाखल झाल्या आहेत. अपघातात प्राण गमावलेल्या लोकांची ओळख पटवण्याबरोबरच गंभीर जखमींनाही उपचारासाठी पाठवण्यात आले आहे. अपघाताच्या वेळी कारखान्यात किती लोक काम करत होते याची माहिती अद्याप मिळू शकलेली नाही.
Edited By - Nupur Uppal
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.