Sydney Mass Shooting: हातात बंदुक, कंबरेला काडतुसांचा पट्टा; बॉन्डी बीचवर गोळीबार करणाऱ्या एका हल्लेखोराचा फोटो आला समोर

ऑस्ट्रेलियातील प्रसिद्ध बॉन्डी बीच अंदाधूंद गोळीबार झाल्याची घटना घडलीय. दोन बंदुकधाऱ्यांनी ज्यू समुदायाच्या लोकांवर ताबोडतोब गोळीबार केला. यानंतर तेथे नागरिक जीव वाचवण्यासाठी सैरवैर पळू लागले. दरम्यान या हल्ल्यात १२ जणांचा मृत्यू झाल्याचे सांगितलं जात आहे. गोळीबार होत असल्याची माहिती पोलिसांना मिळाल्यानंतर त्यांनी हल्लेखोरांना चोख प्रत्त्युत्तर दिलं. याचदरमयान एका हल्लेखोराचा फोटो समोर आलाय. या फोटोमध्ये या हल्लेखोराकडे बंदूकीसह काडतुसांचा मोठा साठा असल्याचे दिसत आहे.

हल्लेखोर गोळ्यांनी सज्ज असल्याचे दिसून आले. स्थानिक माध्यमांच्या वृत्तानुसार,ऑस्ट्रेलियन पोलिसांनी ताबडतोब कारवाई करत दोन्ही हल्लेखोरांना ताब्यात घेतले. पोलिसांकडून करण्यात आलेल्या गोळीबारात एक हल्लेखोर जखमी झाला.तर दुसरा एकाल कंठस्नान घालण्यात पोलिसांना यश आले आहे. सिडनी पोलिसांनी परिसराला घेराव घातला आहे आणि शोध मोहीम सुरू केली आहे.

एका हल्लेखोराची ओळख पटली

एका हल्लेखोराची ओळख पटली असून त्याचे नाव नवीद अक्रम असे आहे, वृत्तानुसार,अक्रमचं वय २४ वर्ष आहे. तो सिडनीच्या दक्षिण-पश्चिम उपनगरातील बॉनीरिग येथील (Bonnyrigg) रहिवासी आहे. व्हायरल झालेल्या फोटोमध्ये अक्रमच्या हातात बंदूक दिसत आहे. त्यासह त्याच्याकडे मोठ्या प्रमाणात गोळ्याचा साठा होता. स्थानिक माध्यमांनुसार, नवीद अक्रम हा त्याच्या कुटुंबासह बोनीरिगमध्ये सुमारे एक वर्षापासून राहत होता. या हल्ल्याशी संबंधित मोठ्या कटाचे किंवा नेटवर्कचे पुरावे शोधण्यासाठी पोलिसांनी त्याच्या घरावर छापा टाकलाय.

अनेक जखमींची प्रकृती गंभीर

सुरुवातीच्या तपासात हा हल्ला एकाकी हल्ला असल्याचे दिसून आले आहे. हा हल्ला कोणत्या संघटित दहशतवादी नेटवर्कने केलाय का याचा तपास एजन्सी करत आहेत. पोलीस सूत्रांनी सांगितले की, गोळीबारात नवीद अक्रमलाही गोळी लागली त्यानंतर त्याला अटक करण्यात आली. घटनेनंतर, समुद्रकिनारा रिकामा करण्यात आला आणि जवळपासचे सर्व रस्ते बंद करण्यात आले.