भारत- पाक मॅच नंतर काश्मिरी विद्यार्थ्यांवर हल्ला...(पहा व्हिडिओ)

वृत्तसंस्था : काल झालेल्या भारत- पाकिस्तान यांच्यात टी- 20 विश्वचषक सामन्यामध्ये भारताचा दारुण पराभव झाला आहे. यावरुन भारतीयांमध्ये मोठ्या प्रमाणात नाराजी पसरली आहे. या नाराजीचे परीणाम विविध ठिकाणी बघायला मिळत आहेत. पंजाबमधील एका महाविद्यालयात काही काश्मिरी विद्यार्थ्यांवर कथितपणे हल्ला झाल्याची धक्कादायक घटना समोर आली आहे.

हे देखील पहा-

मिळालेल्या माहितीनुसार, भाई गुरदास इंस्टीट्यूट ऑफ इंजिनीअरिंग अँड टेक्नॉलॉजीमध्ये शिकत असलेले विद्यार्थी भारत- पाकिस्तान सामना बघत होते. त्या सामन्यात भारताचा पराभव झाल्यावर काही उत्तर प्रदेशच्या विद्यार्थ्यांनी काश्मिरी विद्यार्थ्यांवरती हल्ला करण्यात आला आहे. या घटनेची माहिती मिळताच पोलिस घटनास्थळी दाखल झाले आणि परिस्थिती नियंत्रणात आणली आहे.

दरम्यान, याप्रकरणी कोणत्याही बाजूने किंवा कॉलेज व्यवस्थापनाकडून तक्रार दाखल करण्यात आली नाही.पंजाबच्या संगरुर जिल्ह्यामधील अभियांत्रिकी महाविद्यालयातील काश्मिरी विद्यार्थ्यांनी आरोप केला आहे की, भारताचा टी- 20 विश्वचषक सामन्यामध्ये पराभव झाल्याने, यूपीच्या काही विद्यार्थ्यांनी त्यांच्यावर हल्ला केला आहे.

याविषयी बोलताना काश्मीरी विद्यार्थी म्हणाले की, आम्ही इथे शिकण्याकरिता आलो आहोत. आम्ही सर्व भारतीय आहोत, पण तरी देखील आमच्याशी अशी वागणूक करण्यात येत आहे. या विद्यार्थ्यांनी त्यांच्या खोल्यांमध्ये तोडफोड केल्याचा आरोप देखील केले आहे.

Edited By- Digambar Jadhav