Andhra Pradesh News: आंध्रप्रदेशच्या विखाखापट्टनम येथे मोठी दुर्घटना घेतली आहे. तीन मजली इमारत कोसळून दोन मुलांसह तीन जणांना मृत्यू झाल्याची माहिती समोर येत आहे. रामजोगी पेटा येथे ही घटना घडली आहे. पोलीस आणि बचाव पथक घटनास्थळी तातडीने दाखल झालं होतं.
मिळालेल्या माहितीनुसार, घटनेत एका 15 वर्षीय मुलीचाही मृत्यू झाला आहे. आदल्याच रात्री घरच्या मंडळींना आपल्या 15 वर्षीय मुलीचा वाढदिवस साजरा केला होता. त्यानंतर काही तासातच ही इमारत कोसळली. या घटनेत मुलीचाही मृत्यू झाला आहे. (Building Collapse)
विशाखापट्टणमचे पोलीस आयुक्त सीएच श्रीकांत यांनी दिलेल्या माहितीनुसार, सदर इमारत बरीच जुनी होती. त्यात इमारतीच्या शेजारी जमिनीत पाया खोदण्यात आला होता आणि बुधवारी बोअरवेलचे काम सुरू होते. त्यामुळे इमारतीचा पाया कमकुवत झाल्याने हा अपघात झाला. सध्या पोलिसांनी गुन्हा दाखल केला असून पुढील तपास सुरू आहे.
घटनेची माहिती मिळताच पोलीस घटनास्थळी दाखल झाले. या घरात 9 लोक राहत होते. त्यापैकी सहा जणांना वाचवण्यात यश आलं आहे. तर तीन जणांचा मृत्यू झाला. पोलीस अधिक तपास करत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
