यात्रीगण कृपया ध्यान दे! देशभरात एअर इंडियाचं सर्व्हर डाउन; दिल्ली विमानतळावर प्रवाशांच्या लांबच लांब रांगा

देशभरात एअर इंडिया एअरलाइन्स सर्वर ठप्प पडलंय. त्यामुळे दिल्लीसह अनेक विमानतळांवर प्रवाशांची गैरसोय होतेय. दिल्लीच्या इंदिरा गांधी आंतरराष्ट्रीय विमानतळावर प्रवाशांच्या लांब रांगा लागल्या आहेत. सर्व्हर बिघाडामुळे प्रवाशांना नाहक त्रासाला सामोरे जावे लागत आहे. दिल्ली विमानतळावरील एका अधिकाऱ्याने देशातील सर्व विमानतळांवर एअर इंडियाचे सर्व्हर डाऊन झाल्याची माहिती दिली आहे. लवकरच ही समस्या दुरुस्त केली जाईल, असेही त्यांनी माध्यमांशी बोलताना सांगितले आहे. दरम्यान एअर इंडियाच्या सर्व्हरमध्ये कालपासून समस्या येत आहेत.

'दुपारी ३ वाजल्यापासून टर्मिनल २ मध्ये सर्व्हरमध्ये समस्य येऊ लागल्या आहेत. T2 वरून निघणारे प्रवासी वैतागले असून ते प्रशासकीय व्यवस्थापनाला दोष देत आहेत. विमानतळावरील एअर इंडियाच्या एका कर्मचाऱ्याने सांगितले की, सॉफ्टवेअरमध्ये बिघाड झाला आहे, यामुळे सामान खाली उतरण्यास अडथळा येतोय.

काल डेहराडूनहून दिल्लीला आली होती आणि दिल्लीहून विशाखापट्टणमला जाणारी कनेक्टिंग फ्लाइट होती. पण सर्व्हरमधील समस्येमुळे उड्डाणाला विलंब झाल्यानं फ्लाइट चुकली, यामुळे ती खूप त्रास सहन करावा लागला, अशी माहिती एका प्रवाशानं दिलीय. सॉफ्टवेअरच्या समस्यांमुळे, एअरलाइनने आता तिरुवनंतपुरम आणि पटना येथे जाणाऱ्या फ्लाइटसाठी मॅन्युअल चेक-इन सुरू केले आहे. ही मॅन्युअल चेक-इन प्रक्रिया बरीच मंदावलीय.