धक्कादायक! ऑनलाइन गेमच्या व्यसनाने घेतला तरुणाचा जीव

राजगड - येथून एक धक्कादायक घटना समोर आली आहे. ऑनलाइन गेमच्या व्यसनामुळे एका तरुणाला आपला जीव गमवावा लागला आहे. ही घटना राजगडमधील पडोनिया गावात घडली आहे. या तरुणावर १० लाखाचे कर्ज झाले होते. त्यामुळे या तरुणाने ट्रेनसमोर उडी मारून आत्महत्या केली. तरुणाचे लग्न झालेले असून त्याला दोन मुलं आहेत.

हे देखील पहा -

विनोद दांगी असे आत्महत्या करणाऱ्या तरुणाचे नाव आहे. विनोदचा मृतदेह रेल्वे ट्रॅकवर सापडला. कुटुंबीयांचे दिलेल्या माहितीनुसार, विनोदला ऑनलाइन गेम खेळण्याचे व्यसन लागले होते. ऑनलाइन गेममध्ये तो तब्बल 10 लाख रुपये हरला होता. विनोद तब्बल महिनाभरापासून उदास आणि शांत राहू लागला होता. त्याला कर्ज फेडण्याची चिंता लागली होती. यानंतर त्याने ट्रेनसमोर उडी मारून आत्महत्या केली. घरातील सदस्यांनी त्याची ओळख पटवली आहे.

Edited By - Shivani Tichkule