लग्न समारंभासाठी निघालेली वऱ्हाड्यांची कार कालव्यात पडून ३ जणांचा मृत्यू झाला आहे. उत्तर प्रदेशातील बुलंदशहरमधील जहांगीरपूर पोलीस स्टेशन परिसरात हा अपघात झाला आहे. कारमधील तीन जण अद्याप बेपत्ता असून, त्यांचा शोध सुरू आहे.
उत्तर प्रदेशचे मुख्यमंत्री योगी यांनी या अपघाताची दखल घेतली असून मृतांच्या कुटुंबीयांना प्रत्येकी 4 लाख रुपयांची मदत जाहीर केली आहे. प्रशासनाने दिलेल्या माहितीनुसार, कारमध्ये एकूण 8 लोक प्रवास करत होते. ते बुलंदशहरच्या शेरपूर गावातून अलीगढ पिसावा लग्न समारंभात सहभागी होण्यासाठी जात होते.
दरम्यान, त्यांची कार नियंत्रणाबाहेर जाऊन कपना कालव्यात उलटली, त्यामुळे हा अपघात झाला. आतापर्यंत ३ जणांचे मृतदेह सापडले असून उर्वरित ३ जणांचा शोध सुरू आहे. एसडीआरएफ आणि इतर पथके शोधकार्य करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.