Corona Cases Today: दिलासादायक! देशात गेल्या 24 तासात 1761 नवे कोरोनाबाधित रुग्ण

वृत्तसंस्था: देशामध्ये आज देखील कोरोना विषाणूच्या नवीन रुग्णांमध्ये घट झाली आहे. गेल्या २४ तासामध्ये देशात कोरोना विषाणूचे १ हजार ७६१ नवीन रुग्ण आढळले असून १२७ जणांचा मृत्यू झाला आहे. काल २ हजार ७५ कोरोना रुग्णांची नोंद झाली आहे तर ७१ जणांचा मृत्यू झाला आहे. देशामध्ये आतापर्यंत ४ कोटी ३० लाख ७ हजार ८४१ कोरोनाबाधित (corona) रुग्ण आढळले आहेत.

हे देखील पहा-

सक्रिय प्रकरणांची संख्या २६ हजार २४० इतकी कमी झाली आहे. केंद्रीय आरोग्य मंत्रालयाने जारी केलेल्या आकडेवारीनुसार, शनिवारी दिवसभरामध्ये देशात ३ हजार १९६ लोक कोरोनातून बरे झाले आहेत. यामुळे सक्रिय रुग्णाची संख्या २६ हजार २४० इतकी झाली आहे. तसेच कोरोनामुळे जीव गमावणाऱ्यांची संख्या ५ लाख १६ हजार ४७९ झाली आहे.

देशामध्ये आतापर्यंत ४ कोटी २४ लाख ६५ हजार १२२ लोक संसर्गमुक्त झाले आहेत. आतापर्यंत १८१ कोटींपेक्षा जास्त डोस देण्यात आले आहेत. देशव्यापी लसीकरण मोहिमेअंतर्गत आतापर्यंत कोरोना प्रतिबंधात्मक लसींचे १८१ कोटींपेक्षा जास्त डोस देण्यात आले आहेत. शनिवारी दिवसभरामध्ये १५ लाख ३४ हजार ४४४ डोस देण्यात आले आहेत.

आतापर्यंत १८१ कोटी २७ लाख ११ हजार ६७५ डोस लसीचे डोस देण्यात आले आहेत. केंद्रीय आरोग्य मंत्रालयाच्या माहितीनुसार, आरोग्य कर्मचारी, कोरोना योद्धा आणि इतर आजारांनी ग्रस्त असलेल्या ६० वर्षांपेक्षा जास्त वयाच्या लोकांना २ कोटींपेक्षा जास्त प्रतिबंधात्मक लसीचे डोस देण्यात आले आहेत.

Edited By- Digambar Jadhav