अंबरनाथ - रेल्वे पोलिसाने एका तरुणाला सीपीआर देत त्याचे प्राण वाचवल्याची घटना अंबरनाथ रेल्वे स्थानकात घडली आहे. ही घटना रेल्वे स्थानकातील सीसीटीव्ही कॅमेरात कैद झाली आहे. अंबरनाथ रेल्वे स्थानकाच्या प्लॅटफॉर्म नंबर ३ वर १५ ऑक्टोबर रोजी ही घटना घडली. सकाळी ११ वाजताच्या सुमारास महेश सुर्वे नावाचा २२ वर्षीय तरुणाच्या छातीत अचानक दुखू लागलं आणि तो खाली कोसळला. यावेळी तिथे उपस्थित रेल्वे पोलीस कर्मचारी मोहन दास यांनी धाव घेत महेश सुर्वे याला सीपीआर पद्धतीने प्राथमिक उपचार दिले.
त्यामुळं काही वेळातच महेश हा शुद्धीवर आला. ही घटना रेल्वे स्थानकात असलेल्या सीसीटीव्ही कॅमेरात कैद झाली. त्यानंतर इतर प्रवाशांच्या मदतीने महेश याला रेल्वे स्थानकातील दवाखान्यात दाखल करण्यात आले. तिथे प्राथमिक उपचार करून त्याला नातेवाईकांसोबत घरी पाठवण्यात आले. रेल्वे पोलिसाच्या तत्परतेमुळे प्रवाशाचे प्राण वाचवल्याने सध्या रेल्वे पोलीस मोहन दास यांचे सर्वत्र कौतुक होत आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.