अविनाश भोसलेंची आणखी चार कोटींची मालमत्ता जप्त (पहा व्हिडिओ)

पुणे : बांधकाम व्यावसायिक अविनाश भोसले Avinash Bhosale यांची आणखी चार कोटी रुपयांची मालमत्ता सक्तवसुली संचनालयाने (ईडी) ED जप्त केली आहे. मनी लाँड्रिंग Money Laundering प्रकरणात ईडीने ही कारवाई केली आहे.

याआधी ईडीने ED अविनाश भोसलेंना समन्स बजावले होते. मनी लाँड्रिंग प्रकरणी त्यांची चौकशी सुरु होती. आता ईडीने त्यांची चार कोटी रुपयांची मालमत्ता जप्त केली आहे. ईडीने या आधी बांधकाम व्यावसायिक अविनाश भोसले यांच्यासह कुटुंबाची जवळपास ४०.३४ कोटी रुपयांची मालमत्ता जप्त केली होती. परदेश चलन नियंत्रण कायदा १९९९ अंतर्गत ही कारवाई करण्यात आली होती.

आता ईडीने त्यांची ४ कोटी रुपयांची मालमत्ता जप्त केली आहे. शिवाजीनगर येथील गणेशखिंड रस्त्यावर असलेल्या ऑफिसची मालमत्तेवर कारवाई करण्यात आली आहे. अविनाश भोसले यांच्यासह कुटुंबियांनी FEMA चे उल्लंघन करून ठेवलेल्या फॉरेन सिक्युरिटीज जप्त करण्यात आल्या होत्या. यात भारताबाहेर असलेल्या फॉरेन सिक्युरिटीज किंवा स्थावर मालमत्ताही जप्त केली जाऊ शकते. त्यामुळे भोसले यांच्या अडचणीत वाढ होताना दिसत आहे.

Edited By - Amit Golwalkar