एकनाथ शिंदे शक्तिप्रदर्शन करत असताना आलेला तो फोन कोणाचा?

मुंबई : शिवसेना नेते (Shivsena) आणि महाविकास आघाडी सरकारमधील नगरविकास मंत्री एकनाथ शिंदे (Eknath Shinde) यांनी पुकारलेलं बंड दिवसेंदिवस उद्धव ठाकरेंसाठी मोठं अडचणीचम ठरतं आहे. कारण, शिंदे यांच्या गोटात सामिल होणाऱ्या आमदारांची संख्या दिवसेंदिवस वाढताना दिसतं आहे.

अशातच आता एकनाथ शिंदे गुवाहाटीमधील ज्या 'रेडिसन ब्लु' हॉटेमध्ये थांबले आहेत त्या हॉटेलमध्ये आमदारांचा आकडा जवळपास ४५ च्या वरती पोहचल्याची माहिती समोर येत आहे. यामध्ये शिवसेनेचे ३७ आमदार आणि ९ अपक्ष आमदार एकनाथ शिंदे यांच्यासोबत गुवाहाटीतील हॉटेलमध्ये उपस्थित असल्याची माहीत समोर येत आहे.

पाहा व्हिडीओ -

अशातच आज शिंदे, शिवसेना मंत्री आणि आमदार याचा त्या हॉटेलमधून एक व्हिडीओ आता व्हायरल (Viral Video) होत असून या व्हिडीओद्वारे शिंदे गट शक्तिप्रदर्शन करत असल्याचं त्यातून दिसून येत आहे. मात्र, हे शक्तिप्रदर्शन करत असतानाच शिंदे यांना एक फोन आला तो व्हायरल होत असलेल्या व्हिडीओमध्ये दिसत आहे. त्यामुळे शिंदे हे आमदारांसोबत फोटो काढत असताना त्यांना आलेला तो फोन कोणाचा? याबाबत चर्चा सुरु झाल्या आहेत.

कारण शिंदे यांनी शिवसेनेला (Shivsena) खिंडार पाडत महाविकास आघाडी सरकारला आव्हान दिल्यामुळे सरकारचा धोका वाढत आहे. अशावेळी सर्वच राजकीय पक्षांच्या बैठकांचे सत्र सुरु आहे. सत्तेची समीकरण जुळविण्यासाठीची ही धावाधाव असल्याचं बोललं जात आहे. शिवाय सध्याच्या घडीला प्रत्येक आमदारावर सर्व पक्ष लक्ष ठेवून आहेत. काही आमदारांना फोन वापरायची देखील मुभा नाहीये यावरुन सध्याचं वातावरण लक्षात येत आहे.

कारण शिंदे यांनी बंडखोरी केल्यानंतर त्यांच्या गटाला भाजपकडून मोठी ऑफर मिळाल्याची राजकीय वर्तुळात चर्चा सुरू आहे. राज्यात ८ कॅबिनेट मंत्रिपदे, तर केंद्रात २ मंत्रिपदे देण्याची शक्यता व्यक्त केली जात आहे. भाजपकडून (BJP) ही ऑफर दिली गेल्याची माहिती सूत्रांकडून देण्यात आली आहे. त्यामुळे हा फोन कोणाचा कोणी आणखी आमदार त्यांना येऊन भेटणार आहे त्यांचा की भाजपचा का वाटाघाटीसाठी तो फोन मातोश्रीवरुन गेला आहे. अशा चर्चांना आता उधाण आलं आहे.

Edited By - Jagdish Patil