सांगा दारू कुठे प्यायची? पुणेकरांनी माहिती अधिकारात विचारला हटके अंदाजात प्रश्न

पुणे - माहिती अधिकारामुळे कोणत्याही प्रश्नांची उत्तरे मिळणं आता सोपं झालं आहे.  नुकताच माहिती अधिकारात विचारलेल्या एका प्रश्नाने राज्य उत्पादन शुल्क कार्यालयातील कर्मचाऱ्यांचे डोके चक्रावले आहे. पुण्यातील कोथरूड मध्ये राहणाऱ्या सचिन धनकुडे यांनी राज्य उत्पादन शुल्क पुणे कार्यालयाला माहिती अधिकारात चक्क सांगा दारु प्यायची कुठे हा प्रश्न  विचारला आहे. मद्य परवाने हे वैयक्तिक रित्या मद्य सेवनाकरता असल्याने मद्य सेवन कोणत्या ठिकाणी करावे याबाबत उल्लेख नाही असं उत्तर त्यांना माहिती अधिकारात मिळाल आहे.

हे देखील पहा -

दरम्यान, सचिन धनकुडे यांच्याकडून कोथरुड डेपो येथे त्यांच्या स्वतःच्या २८ ते ३१ डिसेंबर या कालावधीत या बसा आणि प्या या उपक्रमाचे आयोजन करण्यात आले आहे.आयोजकांच्या वतीने मसाला दूध मोफत देण्यात येणार आहे. जर कोणी मद्य सेवन करणारे असतील तर त्यांनी त्यांच्या पैशातून आणलेली दारु प्यावी. मद्य विषयक धोरणात स्पष्टता आणावी ही मागणी यावेळी करण्यात येणार आहे.

Edited By - Shivani Tichkule