Viral Video of Namaz at Shaniwarwada: 'ते' एक ट्विट आणि शनिवारवाड्यातील नमाज पठणाचा व्हिडिओ व्हायरल; ऐन दिवाळीत पुण्यातील वातावरण का तापले?

पुण्यातील ऐतिहासिक वारसा असलेल्या शनिवार वाड्यात महिलांकडून नमाज पठण केलं गेलं असल्याचा दावा सकल हिंदू समाजाच्या वतीने करण्यात आला आणि त्यासोबत भाजपाच्या राज्यसभेच्या खासदार मेधा कुलकर्णी यांनी याबाबतचा एक व्हिडिओ त्यांच्या सोशल मीडिया हँडल वरून देखील अपलोड केला.

या घटनेचा निषेध म्हणून आज दुपारी खासदार मेधा कुलकर्णी त्यांच्यासह सकल हिंदू समाज आणि पतीत पावन संघटनेच्या कार्यकर्त्या पदाधिकाऱ्यांनी शनिवार वाडा येथे जाऊन ज्या ठिकाणी नमाज करण्यात आलं होतं तिथे जाऊन थेट शिववंदना म्हटली आणि परिसरात गोमूत्र शिंपडून तो परिसर स्वच्छ केला.

ऐन दिवाळीमध्ये पुण्यातील वातावरण चांगलेच पाहायला मिळत आहे. पुण्याचे वैभव शनिवारवाडा ऐतिहासिक वारसा स्थळ आहे असा प्रश्न विचारताना सार्वजनिक ठिकाणी विशेषतः वारसास्थळी मुलींनी नमाज पठण केल्यावर कृतीवर खासदार मेधा कुलकर्णी यांनी टीका केली आहे.

दरम्यान मेधा कुलकर्णी त्यांच्या इतर कार्यकर्त्यांसोबत शनिवारवाड्याच्या प्रवेशद्वारातून बाहेर जात असताना त्या ठिकाणी असलेल्या एका पीर जवळ या थांबल्या आणि सकल हिंदू समाजाच्या कार्यकर्त्यांनी ही पीर अनाधिकृत असल्याचं सांगत या ठिकाणी कुठलीही पीर आणि कबर नाही असा दावा करत ही पीर काढून टाकावी अशी मागणी केली.

यावेळी पोलिसांकडून कार्यकर्त्यांची समजूत घालण्याचा प्रयत्न देखील करण्यात आला. मेधा कुलकर्णी यांनी ही पीर अनाधिकृत असल्याचं सांगत प्रशासनाला आठ दिवसांचा अल्टिमेटम दिला असल्याचा सांगितलं. पतीत पावन संघटने कडून या पीर जवळ भगवा झेंडा लावण्यात आला आणि हे आंदोलन संपवण्यात आलं.