मुंबई: मुंबईत बालकांच्या लसीकरणाला आजपासून (सोमवार) वेग मिळणार आहे. १२ ते १४ वयोगटातील बालकांचं लसीकरण १६ मार्चपासून सुरू झाल्यानंतर मुंबईत (Mumbai) १२ लसीकरण केंद्रांवर प्रायोगिक तत्वावर बालकांसाठी लसीकरण (Vaccination) सुरू होतं. बालकांच्या लसीकरणासाठी सोमवारपासून (२१ मार्च) पालिकेच्या सर्व १८१ केंद्र, तसेच राज्य आणि केंद्र सरकारचे लसीकरण केंद्रावर मिळून एकूण ३०० लसीकरण केंद्रावर बालकांसाठी लस उपलब्ध असणार आहे. (Vaccination of children in Mumbai will get speed; 300 immunization centers for children)
हे देखील पहा -
मुंबई पालिकेकडे (BMC) सध्या कॉर्बेव्हॅक्स लशीचे (Corbevax Vaccine) १ लाख २० हजार डोस उपलब्ध असून, हे सर्व डोस सोमवारी सर्व केंद्रांवर वितरित केले जाणार आहेत. प्रत्येक लसीकरण केंद्रांवर हजार डोस देण्यात आले आहेत. मुंबईत १२ ते १४ वयोगटातील सुमारे साडेपाच लाख बालक आहेत आहेत. यापैकी गेल्या चार दिवसांत १ हजार ५७९ बालकांनी कॉर्बेव्हॅक्स लशीचा पहिला डोस घेतलाय. तसेच विद्यार्थ्यांच्या परिक्षा संपल्यानंतर शाळांमध्येही लसीकरण शिबीरं आयोजित केली जाणार आहेत. यामुळे १२ ते १४ वयोगटातील बालकांच्या लसीकरणाला वेग मिळणार आहे.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
