Ulhasnagar Crime: दुचाकीचा कट लागला, संतापलेल्या तरूणाने दोघांना धू धू धुतलं, उल्हासनगरमध्ये खळबळ

Road Rage Incident: उल्हासनगरच्या नेताजी चौकात दुचाकीवरून जाणाऱ्या तरुणांची कट लागल्याच्या रागातून चार जणांच्या टोळीने धारदार शस्त्राने दोन तरुणांवर प्राणघातक हल्ला केला. ही घटना मध्यरात्री नेताजी चौकात घडली असून, या हल्ल्यातील एका तरुणाची प्रकृती चिंताजनक आहे.

रोहित लबाना आणि करणसिंग लबाना हे दोन तरुण नेताजी चौक कडून प्रभात गार्डनकडे जात होते. अनोळखी दोन बाईकस्वार तरुणांनी कट मारकी ,याचा जाब रोहित आणि करणसिंग यांनी विचारला असता त्या चार जणांच्या टोळीने सुरुवातीला शिवीगाळ करत धारधार चॉपर आणि दगडाने रोहित आणि करणसिंग वर प्राणघातक हल्ला केला.

ह्यात करणसिंगच्या छातीवर आणि खांद्यावर गंभीर वार झाले आहेत. सध्या करणसिंगची प्रकृती चिंताजनक असून त्याला मुंबईच्या सायन रुग्णालयात उपचारासाठी हलविण्यात आलंय. तसेच रोहित लबाना याच्यावर देखील गंभीर वार झाले आहेत.

सध्या शासकीय रुग्णालयात उपचार सुरू आहेत,ह्या घटनेनंतर चार ही आरोपी हे फरार झाले असून पोलीस त्यांचा शोध घेत आहेत. आता ह्या प्रकरणी हिललाईन पोलीस(Police) ठाण्यात गुन्हा दाखल करण्यात आला असून पोलीस अधिक तपास करत आहेत.