शिवाजीराव आढळराव पाटील यांना 'मातोश्री'वर येण्याचा उद्धव ठाकरेंचा निरोप

मुंबई : शिवसेनेतील अनेक नेत्यांनी बंडखोरी केल्यानंतर कोणता आमदार आणि मंत्री बंडखोर होईल हे सांगता येत नव्हत. अशा परिस्थितीमध्येच शिवसेनेचे मुखपत्र असलेल्या सामनामधून शिवाजीराव आढळराव पाटील (Shivajirao Adhalrao Patil) यांची पक्षातून हकालपट्टी करण्यात आल्याची बातमी देण्यात आली होती. दरम्यान, काही तासांमध्येच शिवसेनेकडून शिवसेनेकडून (Shivsena) आढळराव पाटील हे शिवसेनेतच कार्यरत राहणार असून त्यांची हकालपट्टी केलं नसल्याचं स्पष्टीकरण देण्यात आलं होतं.

अशातच आता राज्यात झालेल्या सत्ताबदल, शिवसेनेला लागलेली गळती या सर्व पार्श्वभूमिवर आता शिवसेना पक्षप्रमुख उद्धव ठाकरे यांनी मुख्यमंत्रीपदाचा राजीनामा दिल्यामुळे आता ठाकरेंनी पक्षबांधणीच्या कामाला सुरुवात केली आहे. ते अनेक शाखांना भेट देत तेथिल कार्यकर्त्यांशी संवाद साधत आहेत.

दरम्यान, आता मातोश्रीवरुन माजी खासदार शिवाजीराव आढळराव पाटील यांना भेटीसाठी आमत्रणं आल्याची माहिती समोर आली आहे. शिवाय उद्धव ठाकरे यांनी हा निरोप पाठवल्याचं सांगण्यात येत आहे.

पाहा व्हिडीओ -

दरम्यान, शिवसेनेतून हकालपट्टी केल्याची बातमी छापून आल्यामुळे मला धक्का बसला होता. आपल्यावर ही कारवाई का करण्यात आली हे माहित नसल्याचं पाटील म्हणाले. कारवाई मागे घेण्यात आली असली तर आता पुन्हा नव्याने सुसंवाद साधण्यासाठी उद्धव ठाकरे यांनी पाटील यांना निरोप दिला असावा असंही सांगण्यात येत आहे.

त्यामुळे केलेली कारवाई -

एकनाथ शिंदे मुख्यमंत्री झाल्यानंतर शिवाजीराव आढळराव पाटील यांनी सोशल मीडियावर एकनाथ शिंदेंचा फोटो शेअर करत. 'गर्जत राहील आवाज हिंदुत्वाचा, अभिनंदन मुख्यमंत्री साहेब’ असंही कॅप्शन लिहिले होतं. तसंच या पोस्टमध्ये उद्धव ठाकरे यांचा फोटो टाकलेला नव्हता. या दरम्यान, शिवाजीराव आढळराव पाटील यांची पक्षातून हकालपट्टी करण्यात आल्याची बातमी सामना मध्ये देण्यात आली होती. मात्र, नंतर कारवाई मागे घेण्यात आली.