Virar : राई पाडा परिसरातील कार अपघातात दाेघांचा मृत्यू, दाेघे जखमी

विरारा : विरार (virar) येथे आज (रविवार) सकाळीच्या एका अपघातात (Accident) दाेन जणांचा जागेवर मृत्यू झाला आहे. या घटनेत दोन जण जखमी (injured) झाले असून त्यांच्यावर उपचार सुरु आहेत. दरम्यान विरार पोलिस या घटनेचा तपास करीत आहेत. (Virar News)

विरार पूर्व चंदनसार येथील राई पाडा परिसरात रविवारी पहाटेच्या सुमारास मुंबई अहमदाबाद महामार्गाच्या दिशेने एका गाडीतून चार जण प्रवास करीत हाेते. यामध्ये गाडी चालकाचे गाडीवरील नियंत्रण सुटले. त्यामुळे गाडी एका झाडावर जावून आदळली. त्यानंतर गाडीनं दोन तीन पलटी खालल्या. ही गाडी रस्त्याच्या खाली जावून पडली. या घटनेत दिपेश मर्चंडे (२२), जतीन पाटील(२१) यांचा जागीच मृत्यू झाला. या घटनेत दोन जण जखमी झाले आहेत. त्यांच्यावर उपचार सुरु आहेत.

पोलिसांनी माहिती दिली की, वाहन चालकाचे गाडीवरून नियंत्रण सुटल्याने अपघात झाला आहे. पोलिसांनी अकस्मात मृत्यूची नोंद केली असून पुढील तपास करत असल्याची माहिती विरार पोलीस ठाण्याचे वरिष्ठ पोलीस निरीक्षक सुरेश वराडे यांनी दिली.

Edited By : Siddharth Latkar