Mumbai Latest News: आवडत्या तरुणाला दुसऱ्या मुलीसोबत पाहिलं; एकतर्फी प्रेमातून तृतीयपंथीयाने उचललं टोकाचं पाऊल

संजय गडदे, मुंबई

Mumbai Crime News In Marathi:

मुंबईच्या मालाडमधून धक्कादायक घटना समोर आली आहे. एकतर्फी प्रेमात आकंठ बुडालेल्या एका तृतीयपंथीयाने आत्महत्या केल्याची धक्कादायक घटना घडली आहे. बुधवारी ही घटना घडली. मुंबईच्या मालाडमधील मालवणी परिसरात ही घटना घडली. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, मुंबईच्या मालाड पश्चिमेकडील मालवणी परिसरात एका तृतीयपंथीने जीवनयात्रा संपवली. एकतर्फी प्रेमात बुडालेल्या एका तृतीयपंथीयाने गळफास लावून आत्महत्या केल्याची घटना घडली. अलविना खान असं मृत तृतीयपंथीयाचे नाव आहे.

आत्महत्येचे कारण काय?

अलविनाचे एका तरुणावर एकतर्फी प्रेम होते. मात्र, अलविनाने त्या तरुणाला दुसऱ्या मुलीसोबत पाहिले. त्यानंतर अलविनाने गळफास घेऊन आत्महत्या केल्याचं बोललं जात आहे.

या प्रकरणी मालवणी पोलिसांनी गुन्हा दाखल केला आहे. प्रेमात आलेल्या अपयशामुळे ही आत्महत्या करण्यात आली किंवा यामागे दुसरे काही कारण आहे का, याचा मालवणी पोलीस शोध घेत आहे.

प्रेयसीसोबत भांडण झाल्याने पोलिसाने उचललं टोकाचं पाऊल

प्रेयसीसोबत भांडण झाल्याने वरळीत पोलीस शिपायाने गळफास घेऊन आत्महत्या केली होती. गेल्या रविवारी रात्री वरळीच्या जलतरण तलावाजवळील लोखंडी ग्रीलला गळफास घेतला होता. इंद्रजित साळुंखे (२७) असं या पोलीस शिपायाचे नाव आहे. तो एल ए विभाग १ मध्ये कार्यरत होता. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आत्महत्येपूर्वी प्रेयसीला दादर येथे सोडून आल्यानंतर प्रेयसीला गळफास घेत असल्याचा मेसेज व फोटो पाठवत टोकाचे पाऊल उचलले. पोलीसाने आत्महत्या केल्यानंतर कुटुंबीयांवर दु:खाचा डोंगर कोसळला आहे. तर पोलिसाने आत्महत्येनंतर परिसरात शोककळा पसरली आहे.