Mumbai-Pune Expressway: मुंबई-पुणे एक्सप्रेसवरुन प्रवास करण्याचा विचार करताय? आधी ही बातमी वाचा, मोठा मनस्ताप टळेल

Mumbai-Pune Expressway: रविवार असल्याने सुट्टीच्या दिवशी मुंबई-पुणे महामार्गावरून कुठे जाण्याचा प्लान करत असाल तर थोडं थांबा. कारण मुंबई-पुणे महामार्गावर कळंबोलीजवळ वाहतूक जवळपास तीन तास बंद राहणार आहे. त्यामुळे याठिकाणी काही वेळ वाहतूक कोंडी होण्याची शक्यता आहे.

मुंबई -पुणे एक्स्प्रेसवेवर पुण्याकडे जाणाऱ्या लेनवर दुपारी 12 ते 3 वाजेपर्यंत वाहतूक पूर्णपणे बंद करण्यात येणार आहे. कळंबोली गावाजवळ ओव्हर हेड ग्रँट्री उभारण्याचे काम राज्य सरकारच्या रस्ते विकास महामंडळाने हाती घेतले आहे. या कामासाठी आज दुपारी 12 ते 3 वाजेपर्यंत कळंबोली गावापासून काही अंतरापर्यंत वाहतूक बंद करण्यात येणार आहे.

पुण्याकडे जाणाऱ्या नागरिकांसाठी पर्यायी मार्गाचा वापर करण्याचे आवाहन एमएसआरडीसीने केले आहे. वाहतूक कळंबोली गाव ते पनवेल सर्कल ते देवांश इन हॉटेलजवळून पनवेल रॅम्पपासून पुन्हा द्रुतगती मार्गे पुण्याकडे वळवण्यात आली आहे. (Latest News)