Lonavala News: मुंबई-पुणे एक्स्प्रेस वेवर (Mumbai-Pune Express Way) मोठी वाहतूक कोंडी झाली आहे. लोणावळा घाटात मुंबईच्या दिशेला येणाऱ्या मार्गिकेवर ही वाहतूक कोंडी (Traffic Jam) झाली असून वाहनांच्या लांबच लांब रांगा लागल्या आहेत. विकेंड असल्यामुळे अनेक जण फिरण्यासाठी घराबाहेर पडले आहेत. या वाहतूक कोंडीमुळे प्रवासी हैराण झाले आहेत.
मिळालेल्या माहितीनुसार, मुंबई-पुणे एक्स्प्रेस वेवर लोणावळ्याजवळ वाहतूक कोंडी झाली आहे. शनिवार आणि रविवारच्या सलग सुट्ट्यांमुळे अनेक जण बाहेरगावी आणि पर्यटनस्थळी जाण्यासाठी घराबाहेर पडले आहेत. त्यात अनेक जण आपल्या खासगी वाहनाने निघाल्याने वाहनांच्या संख्येत वाढ झाली असल्याने वाहतूक कोंडी झाली आहे. लोणावळ्याजवळ वाहनांची मोठी रांग लागली आहे.
वाहतूक कोंडी सोडवण्यासाठी किलोमीटर 40 म्हणजेच आडोशी बोगद्याजवळ महामार्ग पोलिसांकडून 10-10 मिनिटांचे ब्लॉक घेऊन गाड्या विरुद्ध दिशेने सोडून ट्रॅफिक सोडविण्याचा प्रयत्न केला जात आहे. या वाहतूक कोंडीमुळे प्रवासी हैराण झाले आहेत. बराच वेळ एकाच ठिकाणी गाड्या थांबल्यामुळे आणि त्यात प्रचंड उकाड्यामुळे प्रवाशांना त्रास होत आहे. तसंच वाहतूक कोंडीत अडकल्यामुळे वाहनचालकांना मनस्ताप सहन करावा लागत आहे.
दरम्यान, मे महिन्यामध्ये शाळा, कॉलेजला सुट्ट्या आहेत. तसंच शनिवार रविवार असल्यामुळे ऑफिसला देखील सुट्ट्या आहेत. त्यामुळे अनेक जण आपल्या कुटुंबीयांसोबत फिरण्यासाठी घराबाहेर पडतात. त्यामुळे सध्या मुंबई-पुणे एक्स्प्रेस वेवर सतत वाहतूक कोंडी होत असल्याचे समोर येत आहे. प्रत्येक आठवड्याच्या शनिवार आणि रविवारी या मार्गावरुन प्रवास करताना प्रवाशांना वाहतूक कोंडीच्या समस्येचा सामना करावा लागतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
