उल्हासनगरात वाईन शॉप फोडुन चोरांनी गल्ला आणि महागडी दारूही चोरली...

उल्हासनगर: उल्हासनगरमध्ये चोरांनी एक वाईन शॉपचे दुकान फोडले. दुकान फोडल्यानंतर चोरांनी पैसे न नेता गल्लाच उचलून नेला. एवढंच नाहीतर महागडी दारू सुद्धा चोरांनी गायब केली. हा संपूर्ण प्रकार कॅमेऱ्यात कैद झाला. (Thieves broke into a wine shop in Ulhasnagar and stole moneybox and expensive liquor ab95)

हे देखील पहा -

मिळालेल्या माहितीनुसार, उल्हासनगर शहरात विकी वाईन्स या दारूच्या दुकानात चोरी झाली. कॅम्प नंबर १ च्या खेमानी भागात हे विकी वाईन्स आहे. रात्री दुकान बंद झाल्यानंतर चोरांनी मोठ्या शिताफीने ही चोरी केली. रिक्षात असलेल्या चोरांनी आधी दुकानाचे शटर उचकटून आता प्रवेश केला. दुकानात शिरल्यानंतर पैसे कुठे आहे का हे तपासून पाहिलं. मात्र मोठी रक्कम काही हाती लागली नाही आणि महागड्या दारुच्या बाटल्या चोरून पोबारा केला आहे. मात्र काही वेळातच चोर पुन्हा आले आणि चोरांनी दुकानातील पैशाचा गल्ला लंपास केला.

रविवारी पहाटेच्या सुमारास हे चोरी झाली आहे. हा संपूर्ण प्रकार सीसीटीव्ही कॅमेऱ्यात कैद झाला आहे. या प्रकरणी आता पोलिसांनी चोरट्यांचा शोध सुरू झाला आहे.

Edited By - Akshay Baisane