मुंबई: मुंबईमधील जोगेश्वरी विक्रोळी लिंकवरील रोडवर रात्रीच्या सुमारास भीषण अपघात झाला आहे. वाळूनी भरलेला ट्रक (Truck) एका रिक्षावरच पलटी झाला आहे. अपघातामध्ये (accident) रिक्षासह ड्रायव्हर दोघे वाळूच्या खाली दबले गेले होते. घटनास्थळी स्थानिक नागरिक उपस्थित होते. पोलिस (Police) आणि नागरिकांच्या मदतीने वाळूखाली दबले गेलेल्या रिक्षा चालकाला बाहेर काढण्यात १ तासानंतर यश आले आहे.
हे देखील पहा-
रिक्षा चालकाची प्रकृती गंभीर चिंताजनक आहे. मिळालेल्या माहितीनुसार रात्री १२ वाजेच्या सुमारास वाळूनी भरलेला ट्रक पवईकडे (Powai) भरधाव जात होता. मात्र, ट्रकचालकाला नियंत्रण सुटल्याने हा अपघात झाला आहे. ट्रक शेजारून रिक्षा जात होती. त्यावर ट्रक पलटी झाला आहे. या अपघातानंतर घटनास्थळी पोलिस दाखल झाले आहेत.
घटनास्थळी उपस्थित स्थानिक नागरिक आणि पोलिसांच्या मदतीने तासाभराच्या परिश्रमानंतर जेसीबी (JCB) आणि क्रेन मशिनद्वारे रिक्षाचालकाला बाहेर काढण्यात आले आहे. रिक्षाचालकाची प्रकृती चिंताजनक आहे. एकीकडे ऑटोचालकाची प्रकृती गंभीर असतानाच ऑटोरिक्षाचे देखील मोठे नुकसान झाले आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
