नुकसानीची आकडेवारी आल्यानंतरच योग्य ती मदत करता येईल - बाळासाहेब थोरात

गुलाब चक्रीवादळाचा फटका बसलेल्या मराठवाडा आणि राज्यातील इतर जिल्ह्यांना ओल्या दुष्काळाची माहिती आणि आकडेवारी आल्यानंतरच योग्य ती मदत करता येईल असं राज्याचे महसूल मंत्री बाळासाहेब थोरात यांनी आज स्पष्ट केलं आहे. (The right help can be given only after the loss figures are available - Balasaheb Thorat)

हे देखील पहा -

ओल्या दुष्काळ ग्रस्त शेतकऱ्यांना मदत करण्याविषयी मुख्यमंत्री उद्धव ठाकरे आणि कॅबिनेट मंत्री मंडळाची चर्चा झाली आहे. मात्र शेवटी मदत करत असताना झालेल्या नुकसानाची माहिती आणि आकडेवारी आल्यानंतरच योग्य मदत मदत करता येऊ शकेल असं बाळासाहेब थोरात म्हणाले. त्याचबरोबर महापालिका निवडणुकीमध्ये कितीचा प्रभाग असावा याविषयी महाविकास आघाडीतील नेत्यांत वेगवेगळे मत होते, मात्र शेवटी मुख्यमंत्र्यांनी तीनचा प्रभाग करण्याचा निर्णय घेतला आणि आम्ही त्याला एकमताने सहमती दिली.

मात्र महाविकास आघाडीमध्ये तीन प्रमुख पक्ष आहेत, म्हणून आम्ही तीनचा प्रभाग तयार केला अशी काहीही संकल्पना आम्हाला त्यावेळी निर्णय घेताना सुचली नव्हती, असं देखील बाळासाहेब थोरात यांनी सांगितलं.

Edited By - Akshay Baisane