त्यामुळे आता राणीच्या बागेतल्या प्राण्यांची दैनंदिन दिनचर्या कॅमेऱ्यात रेकॉर्ड करणार

मुंबई : कोरोनामुळे बंद असलेल्या राणी बागेची (Rani Baug) आता ऑनलाइन सफारी बच्चे कंपनी आणि पर्यटकांना करता येणार आहे . राणी बागेकडून आता राणी बागेतल्या प्राण्यांची दैनंदिन दिनचर्या कॅमेऱ्यात रेकॉर्ड करून युट्युबवर प्रसारित केली जाणार आहे . या आधी राणी बागेचा इतिहास आणि पेंग्विनचे व्हिडिओ युट्युबवर (Youtube) प्रसारित केले जात होते, आता इतर प्राण्यांचे व्हिडिओ देखील प्रसारित केले जाणार आहेत .

राणी बागेत दररोज हजारो पर्यटक (Tourist) येत असतात. राणी बागेचं इथे असलेल्या विविध पक्षी, प्राणी आणि पेंग्विन पर्यटक आणि बच्चे कंपनीला कायम आकर्षित करत असतात. त्यामुळे मुंबईच्या मध्यवर्ती असलेल्या या ठिकाणी लोक गर्दी करतात. पण कोरोनाचा प्रादुर्भाव वाढू लागल्यामुळे गर्दी टाळण्यासाठी राणी बाग बंद (Rani Baug) ठेवण्यात आलीय. त्यामुळे बच्चे कंपनी आणि पर्यटकांची निराशा होऊ नये, म्हणून प्राण्यांचे दैनंदिन दिनचर्येचे व्हिडिओ तयार करून युट्युबवर प्रसारित करून राणी बागेची ऑनलाइन सफर घडवण्याचा निर्णय राणी बाग प्रशासनाने घेतला आहे.

Edited By - Jagdish Patil