Thane News : पावसाने झोडपले, तरीही ठाणेकरांवर पाणी कपातीचं संकट, शनिवारी कोणत्या भागात पाणीबाणी?

विकास काटे, ठाणे प्रतिनिधी

Thane 24-hour water cut News Update : पावसाने झोडपलेय तरीही ठाणेकरांवर पाणी कपातीचं संकट ओढावलेय. शनिवारी ठाण्यातील अनेक भागात पाणीबाणी असल्याची माहिती ठाणे मनपाकडून देण्यात आली आहे. जलवाहिनीच्या कामासाठी ठाणे मनपाकडून २४ तासांचा ब्लॉक घेण्यात आला आहे. त्यामुळे ठाणेकरांना पुढील दोन दिवस पाणी जपूनच वापरावे लागणार आहे. कारण, जलवाहिनीचे काम झाल्यानंतरही पुढील दोन ते तीन दिवस पाणी कमी दाबाने येणार आहे. (Thane pipeline replacement work schedule)

कोणत्या भागात पाणी कपात होणार ? Thane 24-hour water cut areas list

शनिवारी असलेल्या शटडाऊन कालावधीत ठाणे महापालिकेतंर्गत इंदिरानगर जलकुंभ, श्रीनगर जलकुंभ, वारलीपाडा जलकुंभ, कैलासनगर रेनो टँक, रुपादेवी जलकुंभ, रुपादेवी रेनो टँक, रामनगर जलकुंभ, येऊर एअर फोर्स जलकुंभ, लोकमान्य जलकुंभ अंतर्गत येत असलेल्या सर्व भागातील पाणीपुरवठा २४ तासांसाठी पूर्णपणे बंद राहणार असल्याची माहिती ठाणे मनपाकडून देण्यात आलेली आहे.

शनिवारी ठाण्यात पाणीकपात का? Why water supply is cut in Thane Saturday

ठाणे महानगरपालिका क्षेत्रातील वागळे प्रभाग समिती व लोकमान्य सावरकर नगर प्रभाग समिती अंतर्गत इंदिरानगर संप येथे पाणी पुरवठा करण्यासाठी नव्याने अंथरण्यात आलेले 116‍8 मि.मी व्यासाची जलवाहिनी कार्यान्वित करण्यात येणार आहे. यासाठी नितिन कंपनी जंक्शन येथे 750मि.मी व्यासाच्या जलवाहिनीवर व्हॉल्व्ह बसविण्याचे काम करणे आवश्यक असल्याने शनिवारी सकाळी 9.00 ते रविवारी सकाळी 9.00 वाजेपर्यत २४ तास पाणीपुरवठा बंद ठेवण्यात येणार आहे.

ठाणे मनपाकडून काय सांगण्यात आले ?- Thane Municipal Corporation water advisory

जलवाहिनीच्या दुरूस्तीच्या कामामुळे ठाण्यातील काही भागात २४ तास पाणी कपात करण्यात येणार आहे. पाणीपुरवठा सुरू झाल्यानंतर पुढील दोन ते तीन दिवस कमी दाबाने पाणीपुरवठा होणार आहे. पाणी कपातीच्या काळात नागरिकांनी पाण्याचा वापर काटकसरीने करावा, असे आवाहन ठाणे महापालिकेच्यावतीने करण्यात आले आहे.