काँग्रेस अध्यक्ष राहुल गांधी आणि शिवसेनेचे खासदार संजय राऊत यांच्या दिल्लीतल्या भेटीवर भाजपच्या प्रदेश उपाध्यक्ष चित्रा वाघ यांनी निशाणा साधला आहे, राहुल गांधी आणि संजय राऊत यांची दिल्लीत भेट झाल्यानंतर या दोन्ही नेत्यांनी आपापल्या ट्विटर अकाऊंटवरून माहिती दिली, महाराष्ट्र आणि राष्ट्रीय राजकारणावर सविस्तर चर्चा झाली, तसेच राज्य सरकारच्या कामाविषयी त्यांनी समाधान व्यक्त केले. शिवसेनेची जडणघडण तसेच कार्यपद्धती बाबत त्यांनी जाणून घेतले असे राऊत यांनी आपल्या ट्विट मध्ये म्हटले आहे, यावर आज उत्तर देताना चित्रा वाघ यांनी संजय राऊत यांच्यावर जोरदार टीका केली आहे.
चित्रा वाघ या संजय राऊत यांचा कायमच सोनिया सेनेचे प्रवक्ते म्हणून उल्लेख करता असतात, त्यामुळे सोनिया सेनेच्या प्रवक्त्यांच्या पाठीवर कौतुकाची थाप पडल्यामुळे त्यांचा केंद्र सरकार बद्दलचा द्वेष सहाजिकपणे उफाळून आलेला आहे, म्हणूनच आपलं पगारी काम निभावण्यासाठी त्यांना हतबलतेने बीफचेही समर्थन करावे लागत आहे, याचबरोबर ठाकरे सरकारच्या कामकाजावर चित्रा वाघ यांनी टीका केली आहे, यासाठी विविध घटनांचा दाखला त्यांनी दिला आहे, ठाकरे सरकार "फटे लेकीन हटे नही’ चे धोरण राबवत आहे अशा शब्दात चित्रा वाघ यांनी शिवसेनेला टोला लगावला आहे.
आतापर्यंत शिवसेनेकडून shivsena अनेक घोषणा करण्यात आल्या मात्र प्रत्यक्षात आजवर एकही घोषणेची पूर्तता सेनेकडून झालेली नाही, यामध्ये औरंगाबादचे Aurangabad नाव संभाजी नगर करण्याची घोषणा, कोविडमध्ये जीव गमावलेल्या पत्रकारांना पन्नास लाख देण्याची घोषणा, MPSC च्या सर्व पदांची भरती ३१ जुलै पर्यंत करण्याची घोषणा असो, एकही अद्याप पूर्ण झालेली नाही, खरोखरच आपली फटे लेकीन हटे नहीची वृत्ती खुपच कौतुकास्पाद आहे अशी टीका चित्र वाघ यांनी संजय राऊत यांच्यावर केली आहे, दरम्यान याचा सार्थ अभिमान आपल्या दिल्लीच्या युवराजांना झाला असेल. म्हणूनच त्यांनी आपल्याला पाठीवर कौतुकाची थाप दिली असे म्हणत राहुल गांधींवरही त्यांनी निशाणा साधला, काँग्रेस खासदार राहुल गांधी Rahul gandhi यांनी बोलावलेल्या विरोधी नेत्यांसोबतच्या बैठकीत शिवसेनेकडून राज्यसभेचे खासदार संजय राऊत हेदेखील उपस्थित होते. यावेळी राहुल गांधी आणि संजय राऊत यांचे फोटो पाहून अनेकांना आश्चर्य वाटले, या दोन्ही नेत्यांकडून भेटीनंतर सोशल मिडियावर माहिती देण्यात आली, यावर आता राजकीय प्रतिक्रिया उमटू लागल्या आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
