Maharashtra Politics: आदित्य ठाकरे यांच्या नेतृत्वात १ जुलै रोजी ठाकरे गट महानगर पालिकेवर मोर्चा काढणार आहे. “मुंबईकरांच्या पैश्यांची लूट” होत आहे असा आरोप ठाकरे गटाकडून सरकारवर करण्यात येत आहे. याच पार्श्वभूमीवर हा मोर्चा काढण्यात येणार आहे. या मोर्चापूर्वी ठाकरे गटाकडून एक टीझर जारी करण्यात आले आहे. त्यात महापालिकेत कसा भ्रष्टाचार होतोय, यावर ठाकरे गटाकडून बोट ठेवण्यात आलं आहे.
मुंबई महानगरपालिकेत लोकप्रतिनिधी नसताना काढण्यात आलेले रस्ता काँक्रिटीकरणासाठी मेगा टेंडर म्हणजे अक्षरशः मुंबईकरांच्या पैशांची उधळपट्टी असल्याचा थेट आरोप ठाकरे गटाकडून राज्य सरकार आणि महानगर पालिकेवर करण्यात आला आहे. ह्या संदर्भात सविस्तर माहिती देणारा व्हिडिओ ठाकरे गटाने सोशल मीडियावर रिलीज केला आहे. (Latest Political News)
मुख्यमंत्र्यांकडून इतका बालिशपणा अपेक्षित नाही - आदित्य ठाकरे
आदित ठाकरे म्हणाले, "मुख्यमंत्र्यांचं वक्तव्य आहे पाऊस आला त्याचं स्वागत करा, मुंबईत पाणी तुंबलं यांची तक्रार काय करता? घटनाबाह्य मुख्यमंत्र्यांकडून इतका बालिशपणा आम्हाला अपेक्षित नाही. मुंबईमध्ये कधी पाणी तुंबत नाही, तिथेही काल पाणी तुंबलं. तेव्हा मुख्यमंत्री कुठे होते, काय माहित?" अशी टीकाही आदित्य ठाकरे यांनी केली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.