Pune News: प्रेमाचा भयंकर शेवट; मुलीच्या संशयास्पद मृ्त्यूनंतर काही तासांतच प्रियकरानं मृत्युला कवटाळलं

पिंपरी चिंचवड : पिंपरी चिंचवड शहरात अल्पवयीन मुलाचा मृत्यू आणि त्यानंतर तिच्या प्रियकराच्या आत्महत्येच्या घटनेने खळबळ उडाली आहे. पिंपरी चिंचवडच्या खरांळवाडी अल्पवयीन मुलीचा पुण्यात संशयास्पद मृत्यू झाला होता. पोलिसांत या दोन्ही घटनांची नोंद करण्यात आली असून पोलीस अधिक तपास करत आहेत. (Pune News)

पिंपरी चिंचवडमधील या मुलीचा पुण्यातील कल्याणी नगर भागामध्ये एका इमारतीवरून पडून संशयास्पद मृत्यू झाला होता. त्या मुलीच्या मृतदेहावर अंत्यसंस्कार होण्याआधीच मुलीच्या प्रियकराने देखील आज संध्याकाळी आत्महत्या केली आहे. खरांळवाडी येथील आपल्या राहत्या घरात गळफास घेऊन जयेश या तरुणाने आत्महत्या केली आहे. (Latest News)

जयेश आणि संशयित मृत्यू झालेल्या मुलीचे प्रेम संबंध होते. आत्महत्या करण्यापूर्वी जयेशने मिस यू डार्लिंग, का सोडून गेलीस तू असा आशयाच्या पोस्ट आपल्या इंस्टाग्राम अकाऊंटवर शेअर केल्या होत्या.

जयेश याच्यावर सध्या पिंपरी चिंचवड महापालिकेच्या वायसीएम रुग्णालयात शवविच्छेदन करण्यात येत आहे. या आत्महत्या प्रकरणाची पिंपरी पोलीस स्टेशनमध्ये नोंद करण्यात येत आहे.