Ambarnath Shivsena
Ambarnath Shivsena Saam Tv

शिवसेनेच्या महिला आघाडीने वाचला समस्यांचा पाढा; नागरी प्रश्नांकडे दुर्लक्ष होत असल्याचा आरोप

महिला आघाडीने अंबरनाथ नगरपालिकेत धडक दिली.

अंबरनाथ : अंबरनाथ शहरातील नागरी समस्यांबाबत नगरपालिका प्रशासन उदासीन असल्याचा आरोप करत शिवसेनेच्या (ShivSena) महिला आघाडीने अंबरनाथ नगरपालिकेत धडक दिली. यावेळी अंबरनाथ शहरातील नागरी समस्यांचा पाढाच महिला आघाडीने वाचून दाखवला आणि प्रशासनाला अक्षरशः धारेवर धरलं. (Ambarnath Shivsena News)

Ambarnath Shivsena
CM Eknath Shinde : मोठी बातमी! मुख्यमंत्री एकनाथ शिंदे बंडखोर आमदारांसह अयोध्येला जाणार?

पावसाळा सुरू होताच अंबरनाथ शहरात अनेक समस्यांनी डोकं वर काढलंय. अंबरनाथ शहरात सध्या अनेक रस्त्यांची खड्ड्यांमुळे चाळण झाली आहे. अनेक ठिकाणी पावसाचं पाणी साचण्याचे प्रकार गेल्या काही दिवसात घडले असून नागरिकांच्या अक्षरशः घरात पावसाचं पाणी जात आहे. तर काही ठिकाणी मोठे नाले तुंबले असून त्याचाही त्रास नागरिकांना सहन करावा लागतो आहे. (Ambarnath Marathi News)

Ambarnath Shivsena
सावधान! पावसाळ्यात पर्यटनस्थळांवर फिरायला जाताय? मग ही बातमी वाचाच....

शहराच्या काही भागात गढूळ पाणीपुरवठा होत असून त्यामुळं रोगराई पसरण्याचा धोका निर्माण झाला आहे. या सगळ्याविरोधात शिवसेनेच्या महिला आघाडीच्या शहर संघटक नीता परदेशी यांच्या नेतृत्त्वाखाली महिला आघाडीने अंबरनाथ नगरपालिकेत धडक दिली.

यावेळी मुख्याधिकारी नसल्यानं अतिरिक्त मुख्याधिकारी प्रशांत शेळके यांच्या दालनात जाऊन महिलांनी समस्यांचा पाढाच वाचून दाखवला. या सगळ्यावर पुढील १५ दिवसात सर्व समस्या मार्गी लावण्याचं आश्वासन अतिरिक्त मुख्याधिकारी प्रशांत शेळके यांनी दिलं.

Edited By - Satish Daud

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com