Sanjay Raut News : राज्यातील स्थानिक स्वराज्य संस्थांच्या रखडलेल्या निवडणुका कधी लागणार याबाबत याची उत्सुकता सगळ्यांनाच आहे. भाजप-शिंदे गट महाविकास आघाडीला मिळत असलेला प्रतिसाद पाहून निवडणुकी घेण्याची हिंमत करत नसल्याचे आरोप विरोधकांकडून केले जात आहेत. त्यात आता संजय राऊत यांनी याच मुद्द्यावरुन भाजपवर निशाणा साधला आहे. भाजप अजून 10 वर्ष तरी मुंबई महापालिकेची निवडणूक घेणार नाही, असं संजय राऊतांनी म्हटलं आहे.
संजय राऊत यांनी महाविकास आघाडीच्या मुंबईतील वज्रमुठ सभेतील गर्दाचा फोटो ट्वीट करत म्हटलं की, मविआच्या कालच्या सभेला जमलेली प्रचंड गर्दी आणि प्रतिसाद पाहता भाजप अजून दहा वर्षं तरी मुंबई महापालिकेची निवडणूक घेण्याचं धाडस करेल असे दिसत नाही. पण त्या आधीच महाराष्ट्र आणि दिल्लीत सत्तांतर नक्की आहे. दारूण पराभव निश्चित आहे. (Latest Political News)
महाविकास आघाडीच्या 'वज्रमुठी'च्या तडाख्याने 2019 मध्ये त्यांचा येथील सत्तेचा घास हिरावला गेला आहे. त्यात आगामी लोकसभा, विधानसभा आणि मुंबईसह इतर महापालिकांच्या रखडलेल्या निवडणुका त्यांना खुणावू लागल्या आहेत, असा टोला सामनातून लगावण्यात आला आहे. (Latest Marathi News)
2019 मधील सत्ता गेल्याची तगमग आणि आगामी निवडणुकांमध्ये पुन्हा महाविकास आघाडीच्या 'वज्रमुठी'चा तडाखा बसण्याची भीती, यामुळे या भाजपवाल्यांचा जीव कासावीस होत असावा. मिंधे-फडणवीस सरकार सत्तेत आल्यापासून महाराष्ट्रात झालेल्या सर्वच निवडणुकांमध्ये महाविकास आघाडीचे जोरदार 'इन्कमिंग' आणि मिंधे गट-भाजपचे जोरदार 'आऊट गोइंग' होत आहे, असं सामनातून म्हटलं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.