मोठी बातमी! वसंत मोरे अपघातातून थोडक्यात बचावले, नवले पुलावरील दुर्घटनांबाबत सुरू होतं फेसबुक लाईव्ह| Video Viral

शिवसेनेचे नेते वसंत मोरे अपघातातून थोडक्यात बचावले आहेत. फेसबूक लाइव्ह करताना एक वाहन थेट वसंत मोरेंच्या दिशेने भरधाव वेगाने आले. प्रसंगावधान वसंत मोरे अपघातातून थोडक्यात बचावले.

पुण्यातील नवले पुलावर सतत होणाऱ्या दुर्घटनांबाबत शिवसेना नेते वसंत मोरे फेसबूक लाईव्ह करत होते. नवले पुलावरील अपघात रोखण्याबाबत उपाययोजना काय करता येतील या विषयावर ते फेसबुक लाईव्ह करत होते. त्याच दरम्यान एक वाहन त्यांच्या विरुद्ध दिशेने येत होते. ते वाहन थेट वसंत मोरे उभे असलेल्या दिशेने भरधाव वेगाने आलं. पण वेळची मोरे यांचा कॅमेरामन आणि स्वत: वसंत मोरे रस्त्याच्या बाजुला धावल्यानं ते बचावले.

पुण्यातील नवले पूल परिसरात अपघात

पुण्यातील नवले पूल परिसरात दोन रिक्षांची धडक होत अपघात झालाय. यादरम्यान प्रवासी किरकोळ जखमी झाल्याची प्राथमिक माहिती आहे. यात दोन्ही रिक्षांचे मोठे नुकसान झाले आहे.