कोरोनाच्या तिसऱ्या लाटेवरून शिवसेना-भाजप आमने-सामने

कल्याण : कोरोनाच्या तिसऱ्या लाटेवरून शिवसेना-भाजप आमने सामने आले आहेत. जन आशीर्वाद यात्रा म्हणजे कोरोनाच्या तिसऱ्या लाटेला निमंत्रण, अशी टीका शिवसेनेचे खा. संजय राऊत यांनी केली. राऊत यांच्या या टीकेला आता केंद्रीय पंचायत राज राज्यमंत्री कपिल पाटील यांनी प्रत्युत्तर दिलं आहे. (shiv sena and bjp are criticizing to each other because of jan ashirwad yatra)

हे देखील पहा -

सध्या राज्यात विविध ठिकाणी भाजपकडून जन आशीर्वाद यात्रा काढली जात आहे. आता याच यात्रेतील गर्दीवरून आणि कोरोनाच्या तिसऱ्या लाटेवरून शिवसेना खासदार आणि भाजप खासदार एकमेकांवर टीका करत आहेत. केंद्रीय राज्यमंत्री कपिल पाटील यांची जन आशीर्वाद यात्रेला आज कल्याण पश्चिमेमधून सुरवात झाली. यात्रेदरम्यान पाटील यांनी पत्रकार यांच्याशी संवाद साधला आणि शिवसेना खा. संजय राऊत यांच्यावर टीका केली. पाटील यांनी सांगितले की, कोरोनाचे सर्व नियम पाळून जन आशीर्वाद यात्रा सुरू आहे. शिवसेना नेते आणि युवा नेत्यांच्या कार्यक्रमात मास्कही लावलेला नसतो, प्रचंड गर्दी असते. याचा अर्थ शिवसेनेच्या रॅलींमध्ये कोरोना पसरत नाही.

पुण्यातील कार्यक्रमात 5 ते 10 हजार लोक जमतात, तिथे कोरोना होत नाही. भाजपने काही केले तर लगेच कोरोनाला आमंत्रण कसे मिळते? असा सवाल पाटील यांनी केला. तर याबाबत खासदार डॉ. शिंदे यांनी सांगितले की कोरोनाचे नियम सर्वांना सारखे आहेत. कुठेही आपल्याकडून कोरोना पसरवला जाणार नाही याची काळजी प्रत्येकाने घेतली पाहिजे.

Edited By - Akshay Baisane