उल्हासनगर महापालिकेच्या जनसंपर्क अधिकाऱ्यावर बलात्काराचा गुन्हा !

सिद्धेश म्हात्रे

उल्हासनगर: महापालिकेत नोकरी देण्याच्या बहाण्याने 29 वर्षीय विवाहितेवर लैंगिक अत्याचार केल्याप्रकरणी एपीएमसी पोलिसांनी उल्हासनगर महापालिकेचे जनसंपर्क अधिकारी युवराज भदाणे यांच्याविरोधात बलात्काराचा गुन्हा दाखल केलाय. (Ulhasnagar Crime News)

मिळालेल्या माहितीनुसार, सदर महिला उल्हासनगरमध्ये राहत असून काही वर्षांपूर्वी उल्हासनगर महापालिकेचे जनसंपर्क अधिकारी युवराज भदाणे यांच्याशी तिची ओळख झाली होती. नोव्हेंबर 2021 मध्ये महिलेने महापालिकेत नोकरीसाठी अर्ज केला होता.

हे देखील पहा-

यानंतर भदाणेने नोकरी लावून देण्याच्या बहाण्याने तुर्भे रेल्वे स्थानकजवळील एका लॉजवर घेऊन जात सदर महिलेसोबत लैंगिक अत्याचार केला. महिलेने एपीएमसी पोलिस ठाण्यात याबाबत तक्रार केल्यावर पोलिसांनी गुन्हा दाखल केलाय.