पुणे: पुण्यामध्ये कॅनॉलमध्ये (Rickshaw) एक रिक्षा पलटी झाली आहे. रिव्हर्स घेत असताना ही धक्कादायक घटना घडली आहे. जनता वसाहतमधील (Janata Colony) कॅनॉलमध्ये ही रिक्षा पलटी झाली. रिव्हर्स (Reverse) घेत असताना रिक्षा चालकाचा तोल सुटल्याने ही घटना घडली आहे. रिक्षामध्ये असलेला एक व्यक्ती पाण्याच्या प्रवाहामुळे वाहून गेला आहे. स्थानिकांच्या अथक प्रयत्नांनंतर देखील त्या व्यक्तीला वाचवता आले नाही. (Rickshaw crashes into canal in Pune)
हे देखील पहा-
काल रात्री ८ वाजेच्या सुमारास पर्वती पायथ्यालगत असलेल्या जनता वसाहती येथील कॅनॉलमध्ये रिक्षा पलटी झाली आहे. या घटनेमध्ये रिक्षा चालक बेपत्ता झाला असून अग्निशमन दलाकडून (Fire brigade) त्यांचा शोध सुरु आहे. वाहून गेलेला व्यक्ती रिक्षा चालक होता की प्रवाशी (Passengers) याचा तपास सुरु आहे. ही घटना घडताच प्रत्यक्षदर्शींनी अग्निशमन दलाला यासंदर्भातल माहिती दिली आहे.
यानंतर अग्निशमन दलाचे केंद्र प्रमुख प्रमोद सोनवणे, प्रदीप खेडेकर, तांडेल राजाराम केदारी, कोळी, सचिन जवंजाळे, महेंद्र सकपाळ यांनी घटनास्थळी धाव घेऊन सर्च ऑपरेशन राबवले आहे. कॅनॉलजवळच्या रस्त्यावरुन भरधाव वेगाने आलेल्या रिक्षाचालकाचे नियंत्रण सुटल्याने हा अपघात घडल्याची शक्यता अग्निशमन दलाने व्यक्त केली आहे. कॅनॉलजवळ बघ्यांची मोठी गर्दी झाली होती. सर्च ऑपरेशन दरम्यान काही अंतरावर रिक्षा सापडली आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
