Dengue Cases Rise In pune 2023 : पुणेकरांनो काळजी घ्या! डेंग्यूचा कहर सुरुच, 4 दिवसांत 20 रुग्ण वाढले

- अक्षय बडवे

Pune News : पुणे शहरात डेंग्यूच्या रुग्ण संख्येत मोठी वाढ हाेऊ लागल्याचे चित्र आहे. शहरात गेल्या चार दिवसांत 20 रुग्ण आढळल्याची माहिती पुणे महापालिकेतून प्राप्त झाली आहे. नागरिकांनी एक दिवस काेरडा पाळावा असे आवाहन पालिकेने केले आहे. (Maharashtra News)

महापालिकेने दिलेल्या माहितीनूसार पावसाळ्यात घरांत, सोसायटीत तसेच विविध कार्यालयांच्या परिसरात पावसाचे पाणी माेठ्या प्रमाणात साचत असते. याबराेबरच गच्चीतील कुंड्यांत साचलेल्या पाण्यामुळे तसेच नारळाच्या करवंट्या, टायर आदी ठिकाणी साचलेल्या पाण्यावर डासांची पैदास होते. या डासांच्या माध्यमातून डेंग्यू विषाणूंचा प्रसार होतो.

पुणे शहरात डेंगूच्या रुग्णांची संख्या 32 पर्यंत पाेहचली आहे. शहरात एकूण 416 संशयित रुग्ण असल्याची माहिती महापालिकेने दिली. यावर्षी शहरात एकूण 81 रुग्ण आढळल्याचे महापालिकेने नमूद केले.

नागरिकांनी एक दिवस काेरडा पाळावा. भांडी कुंडी स्वच्छ ठेवावीत असे आवाहन पुणे महापालिकेने केले आहे.

Edited By : Siddharth Latkar