संभाजी ब्रिगेडला राज ठाकरे आज उत्तर देणार?

पुणे : मनसे (MNS) अध्यक्ष राज ठाकरे (Raj Thackeray) आज आणि उद्या पुणे दौऱ्यावर आहेत. शिवशाहीर बाबासाहेब पुरंदरे (Babasaheb Purnadare) आणि राज यांच्या जवळीकीवर संभाजी ब्रिगेडने नुकताच निशाणा साधला होता. राज ठाकरे हे बाबासाहेब पुरंदरे यांच्या पायाशी आहेत, म्हणूनच त्यांची अधोगती झाली, असा आरोप संभाजी ब्रिगेडने (Sambhaji Brigade) केला होता. त्यावर मनसेनेही आक्रमक उत्तर देत प्रवीण गायकवाड यांना फिरू देणार नाही, अशी भूमिका घेतली होती. याच वादाच्या पार्श्वभूमीवर राज ठाकरे यांची आज पत्रकार परिषद आहे. त्यात या वादावर राज ठाकरे काय भूमिका मांडतात, याकडे सर्वांचंच लक्ष आहे.

हे देखील पहा-

गेल्या महिनाभरातील राज ठाकरे यांचा आजचा पाचवा पुणे दौरा (Pune Visit) आहे. आजच्या दौऱ्यात ते शाखाध्यक्षांच्या निवडीच्या घोषणेसह ते पदाधिकाऱ्यांशी अनेक विषयांवर चर्चा करणार असल्याची माहिती समोर आली आहे. विशेष म्हणजे सायंकाळी ४ वाजता ते आज माध्यमांशी संवाद साधणार आहे. त्यामुळे आज राज ठाकरे काय बोलणार याकडे संपुर्ण राजकीय वर्तुळाचे लक्ष लागले आहे.

आगामी महापालिका निवडणूकांच्या पार्श्वभुमीवर राज ठाकरे अधिकच सक्रिय झाले आहेत. आजच्या पत्रकार परिषदेत राज ठाकरे अनेक महत्त्वाच्या मुद्यावर राज ठाकरे मांडणार थेट भूमिका मांडणार असल्याची माहिती सुत्रांकडून मिळाली आहे. यासोबत केंद्रिय मंत्री नारायण राणे यांनी हिंदू ह्रदयसम्राट बाळासाहेब ठाकरे यांच्या स्मृतीस्थळाला दिलेली भेट आणि शुद्धीकरण या विषयावर राज काय भुमिका मांडतात, याकडे संपुर्ण राज्याचे लक्ष लागले आहे. तसेच लॉकडाऊन, निर्बंध आणि लोकल राज ठाकरे काय बोलतात हे पाहणे महत्त्वाचे ठरणार आहे.

Edited By- Anuradha