Mumbai News : राष्ट्रवादीतील फुटीनंतर पक्षात शरद पवार आणि अजित पवार असे दोन गट तयार झाले आहेत. एक गट भाजपसोबत तर दुसरा महाविकास आघाडीसोबत आहे. मात्र पक्षातील फुटीनंतर शरद पवार आणि अजित पवार यांची गुप्त भेट सध्या चर्चेत आहे.
शरद पवार यांनी या भेटीबाबत आपली भूमिका स्पष्ट केली आहे, तरीही राजकीय वर्तुळात यावरुन संभ्रम कायम आहे. राज ठाकरे यांनीही या भेटीवर आपलं मत मांडल आहे.
राज ठाकरे यांनी म्हटलं की, हे सगळं त्यांचं प्लानिंग आहे. एक टीम त्यांनी आधी पाठवली आहे. त्यानंतर दुसरी टीम जाईल. हे सगळे आतून एकमेकांना मिळालेले आहेत. हे आताच नाही, २०१४ पासूनच मिळालेले आहेत. (Political News)
तुम्हाला पहाटेचा शपथविधी आणि त्यानंतर घडलेल्या सर्व गोष्टी तुम्हाला आठवत नाही का? शरद पवार आणि अजित पवार जिथे भेटले ती जागाही कमाल आहे. याचाही विचार करायला हवा, असं राज ठाकरे यांनी म्हटलं. (Latest Marathi News)
महापालिका निवडणुकांवर बोलताना राज ठाकरे यांनी म्हटलं की, राजकीय परस्थिती पाहता महापालिका निवडणुका लागतील असं वाटत नाही. महापालिका निवडणुका लावतील आणि धोंडा पाडून घेतील असं होईल वाटत नाही. त्यामुळे आधी लोकसभा निवडणुकाच होऊ शकतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.