Jagtik Mahila Din : काळया फिती लावून महिलांचा रेल्वे प्रवास; जाणून घ्या कारण

- अभिजित देशमुख

International Women's Day 2023 : जागतिक महिला दिननिमित्त (International Women's Day Latest News) उपनगरीय रेल्वे प्रवासी महासंघाच्या महिलांनी काळया फिती लावून रेल्वे प्रवास केला. महिला प्रवाशांच्या समस्यांकडे दुर्लक्ष हाेत असल्याने प्रशासनाचे लक्ष वेधण्यासाठी महिलांना आज अनाेख्या पद्धतीने हे आंदाेलन (aandolan) छेडलं.

मध्य रेल्वेच्या उपनगरीय ट्रेनमधील महिलांची वाढत जाणारी गर्दी व प्रवासातील महिलांची असुरक्षितता याकडे दुर्लक्ष करणाऱ्या रेल्वे प्रशासनाचा निषेध व्यक्त करण्यासाठी आज महिला दिनी उपनगरीय रेल्वे प्रवासी महासंघकडून महिला प्रवाशांना काळी फीत लावून प्रवास करण्याचा आवाहन करण्यात आलं होतं.

आज सकाळपासून आसनगांव, टिटवाळा, बदलापूर, अंबरनाथ, कल्याण, डोंबिवली या स्टेशनवरील प्रवासी संघटना प्रतिनिधी महिलांना काळ्या फितीचे वाटप करण्यात आले. यावेळी महिलांनी काळया फिती लावून रेल्वे प्रवास करत प्रशासनाचा निषेध नोंदवला.

डोंबिवली रेल्वे स्थानकावर संघटनेच्या महिला तसेच महिला प्रवासी देखील हातात फलक घेऊन काळया फिती लावून रेल्वे प्रशासनाचा निषेध करत होत्या. यावेळी लता अरगडे (सरचिटणीस, उपनगरीय रेल्वे प्रवासी महासंघ) यांच्यासह माेठ्या संख्येने महिला आंदाेलनात सहभागी झाल्या हाेत्या. (Maharashtra News)

Edited By : Siddharth Latkar