मुंबई: एनसीबीचे अधिकारी समीर वानखेडे यांच्या वडिलांनी इस्लाम धर्म स्विकारला होता असा दावा राष्ट्रवादीचे नेते नवाब मलिकांनी केला होता. तसेच समीर वानखेडेंचा विवाह नाही तर मुस्लिम पद्धतीने निकाह झाल्याता दावा करत मलिकांनी त्यांचा निकाहनामा देखील ट्विटरवर शेयर केला होता. हा निकाहनामा खरा असल्याचं आता समोर आलं आहे. समीर वानखेडे यांचे वडिल ज्ञानेश्वर वानखेडे यांनी हा निकाहनामा खरा असल्यांचं जाहिरपणे मान्य केलं आहे. मात्र या निकाहनाम्यात त्यांचं नाव दाऊद कसं आलं हे यावर त्यांना स्पष्टपणे सांगता आलं नाही. (Qubool Hai: that marriage certificate! Wankhade's father confessed)
हे देखील पहा -
समीर वानखेडेंचे वडील ज्ञानेश्वर वानखेडे यांनी आपण जन्माने हिंदुच असून इस्लाम स्विकारला नसल्याचं म्हंटलयं. ते म्हणाले की, "जेव्हा मी जन्माने एससी (SC) असून माझा मुलगा मुसलमान कसा असू शकतो? माझे सगळे नातेवाईक एससी आहेत, सोपी गोष्टी त्यांना कळू नये? मला अत्यंत वाईट वाटतंय, माझा मुलगा चांगलं काम करतोय, कोणी असं केलं नाही, पण नवाब मलिक यांच्या जावयावर कारवाही केली म्हणून आकसापोटी ते असं वागतायत असा आरोप डी. के. वानखेडेंनी केलायं. ते म्हणाले, ''मी जन्माने एससी आहे, मग मी मुस्लिम कसा होऊ शकतो? मौलवी १००% खोटं बोलतायत, मी धर्म बदलला नाही. मी काल टीव्हीवर पाहिलं, रोहतगी वकील आहेत. त्यांचं आणि समीरचं कोणतंही बोलणं झेल नाही.
खंडीचा प्रश्नच येत नाही. माझ्याकडे सगळे प्रमाणपत्र आहेत. जातीचा दाखला माझ्याकडे आहे. त्यात 'समीर कचुरुजी वानखडे' नाव आहे. माझ्या मुलाचे स्पेशल मॅरेज ऍक्टनुसार हे नाव आहे. मी मानहानी दावा दाखल करणार आहे. पैसे देऊन या पंचाला फिरवलं आहे. निकाहनामा खराच, पण त्यावर माझं दाऊद नाव चुकीचं आहे. माझ्या बायकोने ते चुकून केलं असावं, ती या जगात ते सांगायला नाही असं ते म्हणाले आहेत.
मेहेर 33 हजार दिलेत का? या प्रश्नावर डी. के. वानखेडे म्हणाले की, "हे खर असावं, मला उर्दू येत नाही, मुस्लिम पद्धतीने निकाह झालाय, त्यांनी मेहेर ३३ हजार दिले असणार असं ते म्हणाले. त्यांच्या या कबुलनाम्यामुळे मंत्री नवाब मलिकांच्या दाव्यात तथ्य होतं हे स्पष्ट होत असलं तरी समीर वानखेडे प्रकरण आणखी गुंतागुंतीचं झालंय. मात्र समीर वानखेडे सध्या अडचणीत सापडत असल्याचं दिसतंय.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
