Pune Water Crises : पुणेकरांची चिंता वाढली; पाणीपुरवठा करणाऱ्या धरणांनी गाठला तळ

Pune News: पुण्यातील पाणी प्रश्न दिवसेंदिवस पुणेकरांची चिंता वाढवत आहे. पुणेकरांना जून महिन्यात पाण्याचा तुटवडा भासू नये यासाठी महापालिकेने शहरात आठवड्यातून एकदा पाणीपुरवठा बंद करण्याचा निणर्य घेतला आहे.

मात्र मान्सून वेळेत दाखल न झाल्यास पुण्यातील नागरिकांना भीषण पाणीटंचाईचा सामना करावा लागू शकतो. कारण पुण्याला पाणी पुरवठा करणाऱ्या धरणांमधील साठा तळ गाठत आहे.

पुणे शहराला पाणीपुरवठा करणाऱ्या खडकवासला धरण साखळीमधील चारही धरणामध्ये 26 टक्के पाणीसाठा शिल्लक आहे. जिल्ह्यातील इतर 13 धरणात देखील पाणीसाठा कमी आहे. (Pune News)

महत्त्वाच्या धरणांमधील शिल्लक पाणीसाठा

>> टेमघर - 0.19 टीएमसी

>> वरसगाव -4.61 टीएमसी

>> पानशेत -1.83 टीएमसी

>> खडकवासला -1.05 टीएमसी (Latest News)

रोटेशन पद्धतीने पाणीपुरवठा बंद राहणार

पुणे महापालिकेने शहरात 'रोटेशन' पद्धतीने शहरातील विविध भागात पाणीपुरवठा बंद ठेवला जाणार आहे. येत्या कालपासून म्हणजे 25 मे पासून याची अंमलबजावणी केली जाणार आहे. त्यासाठी वेळापत्रक निश्चित करण्यात आले आहे.