Pune Terror Attack : पुण्यात खळबळ! 'I Love Mohammad' नंतर आता 'इस्लाममध्ये संगीत हराम आहे' आशयाचे पोस्टर्स झळकले

पुण्यातील कोंढवा परिसरात पुन्हा एकदा वादग्रस्त पोस्टर्स लागल्याचे समोर आले आहे. यापूर्वी “I Love Mohammad” अशी पोस्टर्स झळकल्यानंतर आता “इस्लाममध्ये संगीत हराम आहे” अशा आशयाचे पोस्टर्स सार्वजनिक चौकात लावले गेल्याचे नागरिकांनी निदर्शनास आणून दिले आहे. याआधी लागलेल्या पोस्टर्स मुळे पुण्यात खळबळ उडाली आहे.

मिळालेल्या माहितीनुसार कोंढवा परिसरात रात्रीपासून सुरू असलेल्या सर्च ऑपरेशन मुळे तणावाचे वातावरण निर्माण झाले आहे. काही नागरिकांनी आता अजून एका इस्लामिक पोस्टर कडे बोट दाखवत प्रश्न उपस्थित केले आहेत. आता या पोस्टर्सकडे धार्मिक उदात्तीकरणाचा भाग म्हणून देखील पाहिले असले तरी, इतरांकडून या माध्यमातून समाजात तणाव निर्माण करण्याचा प्रयत्न होत असल्याचीही चर्चा सुरू आहे.

कोंढवा परिसरात गेल्या काही तासांपासून पोलिस आणि एटीएसकडून गुप्तपणे विविध ठिकाणी सर्च ऑपरेशन्स करण्यात आले आहेत.या सर्च ऑपरेशनमध्ये तब्ब्ल १८ संशयितांना ताब्यात घेतले असून एटीएसने १९ ठिकाणी छापे मारले आहेत. त्यामुळे या भागात काही इस्लामिक संघटना किंवा संशयास्पद गट सक्रिय आहेत का, असा प्रश्न नागरिकांमध्ये उपस्थित होत आहे. दरम्यान या समाजकंटकांना काय शिक्षा मिळणार हे पाहणं महत्त्वाचं ठरेल

सध्या पोलिसांनी परिसरात नाकाबंदी वाढवली आहे. दरम्यान हे “I Love Mohammad” आणि “इस्लाममध्ये संगीत हराम आहे” अशा आशयाचे पोस्टर्स कोणाकडून लावण्यात आली याचा तपास सुरू आहे. प्रशासनाने नागरिकांना अफवांवर विश्वास न ठेवण्याचे आणि शांतता राखण्याचे आवाहन पोलिसांमार्फत करण्यात केले आहे.