Pune : पुणे मेट्रोत निष्काळजीपणा, शिवाजीनगर-स्वारगेट मेट्रो बोगद्यात भगदाड, बोरवेलमुळे पाण्याची गळती

Pune Metro Tunnel Leakeges By Illegal Borewell Drilling पुण्यातील मेट्रो प्रकल्पाला मोठा धोका निर्माण करणारी धक्कादायक घटना समोर आली आहे. बोरवेल पाडताना शिवाजीनगर ते स्वारगेट दरम्यानच्या भूमिगत मेट्रो बोगद्यात भगदाड पडून पाण्याची गळती सुरू झाली होती. वेळेत उपाययोजना करुन भगदाड बुजवण्यात आला आहे, तर या गंभीर प्रकरणात गुन्हा देखील दाखल करण्यात आला आहे.

शिवाजीनगर ते स्वारगेट या भुयारी मेट्रो मार्गात १४ मार्च रोजी बोगद्यात पाण्याची गळती असल्याचे मेट्रो ऑपरेटरच्या निदर्शनासाठी त्याचा दरम्यान वॉटर अलर्ट ही मेट्रो सिस्टीमवर दिसू लागला. मेट्रो अधिकाऱ्यांनी संपूर्ण बोगद्याची पाहणी केली.

या पाहणी दरम्यान शुक्रवार पेठ परिसरातून बोरवेलमुळे बोगद्याच्या सिमेंट रिंगला सुमारे ६ इंचाचे छिद्र पडून पाणी झिरपत असल्याचे धक्कादायक वास्तव समोर आले. तातडीने मेट्रोच्या अधिकाऱ्यांनी बोरवेलचे छिद्र पूर्णपणे केमिकल आणि काँक्रीटने बुजवले आहे.

जागा मालक धनंजय मोटे आणि ठेकेदार जगताप यांच्यावर गुन्हा दाखल खडक पोलीस स्टेशन मध्ये गुन्हा दाखल केला आहे. तर असे प्रकार होऊनही यासाठी सूचनाफलक आणि मार्किंग ही करण्यात येणार आहे. घटनेचं गांभीर्य पाहून मेट्रो विभागाकडून तात्काळ बेकायदेशीर बोरवेल काढणाऱ्यांवर तक्रार देऊन कारवाई करण्यात आला आहे.