पुणे सातारा महामार्गावरील वेळू गावात अल्पवयीन मुलाला टेम्पो चिरडून मारलं.
जुन्या भांडणाच्या वादातून आरोपींनी खूनाचा कट रचला.
मृत मुलाचं नाव अविनाश संतोष सातपुते असून त्याचा जागीच मृत्यू झाला.
पोलिसांनी ५ आरोपींना ताब्यात घेतलं असून तपास सुरू आहे.
सचिन जाधव, साम टिव्ही
पुण्यात गुन्हेगारी घटनांमध्ये वाढ होत असल्याचं चित्र आहे. अशातच पुणे सातारा महामार्गावरील वेळू गावच्या हद्दीतून एक धक्कादायक घटना उघडकीस आली आहे. जुन्या भांडणाच्या वादातून टेम्पो अंगावर घालून अल्पवयीन मुलाला चिरडून मारल्याचा प्रकार उघडकीस आला आहे. ही धक्कादायक घटना शनिवारी मध्यरात्री अडीचच्या सुमारास घडली आहे. या प्रकरणी पोलिसांनी ५ जणांना ताब्यात घेतलं आहे.
अविनाश संतोष सातपुते असं मृत अल्पवयीन मुलाचे नाव आहे. पोलिसांनी दिलेल्या माहितीनुसार, अविनाश आणि त्याचा मित्र यांचे अविनाशसोबत कडाक्याचे भांडण झाले होते. याच रागातून आरोपींनी अविनाशचा काटा काढण्याचं ठरवलं.
पुणे सातारा महामार्गावरील वेळू गावच्या हद्दीत आरोपींनी अल्पवयीन मुलाला गाठलं. भांडण मिटवायचं असं सांगितलं. नंतर अल्पवयीन मुलाच्या अंगावरून टेम्पो घातला. त्याला चिरडून ठार मारलं. अविनाश आपल्या मित्रांसोबत मध्यरात्री अडीचच्या सुमारास रस्त्यावर उभा होता. आरोपींनी त्याच्या अंगावर टेम्पो घातला. त्यात अविनाशचा जागीच मृत्यू झाला.
पोलिसांनी याची माहिती मिळताच त्यांनी घटनास्थळी धाव घेतली. याप्रकरणी राजगड पोलीस ठाण्यात गुन्हा दाखल केला असून, पोलिसांनी तपास करीत पाच जणांना ताब्यात घेतलं आहे. या घटनेनंतर परिसरात खळबळ उडाली आहे. अविनाशच्या मृत्यूनंतर सातपुते कुटुंबावर दुखा:चा डोंगर कोसळला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.