Pune Police News : महिला सुरक्षेसाठी पुणे पोलिसांचा मोठा निर्णय; पुणेकरांच्या विविध तक्रारींसाठी WhatsApp नंबर जारी

Pune News : महिलांच्या सुरक्षेसाठी पुणे पोलीस खडाडून जागे झाले आहेत. एका बाजूला शहरात कोम्बिंग ऑपरेशन सुरू असून आता तक्रारींसाठी व्हॉट्सॲप सेवा सुरू करण्यात आली आहे.

आता पुणे शहरातील नागरिक थेट पोलीस आयुक्त यांच्याकडे तक्रार करू शकतात. पुणे शहर पोलिसांकडून आता तक्रार करण्यासाठी नवीन व्हॉट्सॲप क्रमांक जाहीर करण्यात आला आहे. 8975953100 या नंबरवर कोणीही कधीही तक्रार करू शकतात.

नागरिक पोलीस आयुक्तांचा व्हॉट्सॲप नंबर सेव्ह करून तुमच्या परिसरातील महिलांच्या सुरक्षेबाबत सूचना आणि अभिप्राय देण्यासाठी मेसेज करू शकता. त्यासोबतच इतर घटनांचा आढावा घेऊन कारवाई करण्यात येणार आहे. तातडीच्या सेवेसाठी ११२ डायल करा, असं आवाहन पुणे शहर पोलिसांकडून करण्यात आले आहे. (Latest Marathi News)

पोलीस आयुक्तांच्या व्हॉट्सअॅपवर येणाऱ्या तक्रारी संबंधीत पोलिस ठाण्यांना आणि दामिनी युनिट्सना कळवल्या जातील. तसेच हे मेसेजेस आणि त्यावर केलेली कारवाई ही पोलीस आयुक्त पातळीवर मॉनिटक केली जाईल, असं पुणे पोलीस सहआयुक्त संदीप कर्णि यांनी सांगितलं.