Nylon Manja : पुण्यात नायलॉन मांजामुळे पोलिसाचा गळा चिरला; थोडक्यात बचावले दुचाकीवरील २ पोलीस कर्मचारी

पुण्यात नॉयलॉन मांजावर घातलेले बंदीचे आदेश धुडकावून संक्रातीला पतंगबाजी करण्यात आल्याचे उघडकीस आले आहे.
pune News
pune News Saam Tv

सचिन जाधव

Pune News : पुण्यात नॉयलॉन मांजावर घातलेले बंदीचे आदेश धुडकावून संक्रातीला पतंगबाजी करण्यात आल्याचे उघडकीस आले आहे. पुणे-सातारा रस्त्यावरील शंकर महाराज उड्डाणपुलावर नॉयलॉन मांजामुळे दुचाकीस्वार दोन पोलीस जखमी झाल्याची घटना घडली आहे.

pune News
Nylon Manja : नॉयलॉन मांजा ठरला जीवघेणा! नागपुरात दोघांचे बळी, ५० हून अधिक जखमी

मिळालेल्या माहितीनुसार, पुणे-सातारा रस्त्यावरील शंकर महाराज उड्डाणपुलावर नॉयलॉन मांजामुळे जखमी झालेल्या घटनेत पोलीस (Police) कर्मचारी महेश पवार आणि सुनील गवळी असे त्यांची नावे आहेत. पवार आणि गवळी दोघे शिवाजीनगर पोलीस मुख्यालयात नियुक्तीस आहेत.

रविवारी दुचाकीस्वार पवार आणि गवळी पुणे-सातारा रस्त्यावरील शंकर महाराज उड्डाणपुलावरुन निघाले होते. त्या वेळी मांजा (Manja) मानेला अडकल्याने पवार यांच्या गळ्याला दुखापत झाली. त्यांच्याबरोबर असलेले सहकारी गवळी यांचा हात मांजामुळे चिरला आहे.

मकरसंक्रांत निष्पाप पशुपक्ष्यांच्या जीवावर बेतली

मुंबई (Mumbai) परिसरातील ६४ पक्ष्यांसाठी ‘संक्रांती’चा दिवस घातक ठरला. मांजामुळे मुंबईत मकरसंक्रांतीच्या दिवशी ६४ पक्षी जखमी झाले आहेत. अनेक पक्ष्यांचे पंख कापले तर काहींचे पाय कापले गेले आहेत. जखमी पक्षांवर अम्मा केअर फाउंडेशन, प्लांट अँड अॅनिमल वेल्फेअर सोसायटी - मुंबई तर्फे या पक्ष्यांवर उपचार करण्यात आले.

pune News
Nagpur Metro : नागपूर मेट्रोत ५ रुपयांत करता येणार प्रवास; चेक करा तिकीटांचे दर

रविवारी मकर संक्रांतीच्या निमित्ताने इमारतीच्या गच्च्या, मैदाने, मोकळय़ा जागांवर पतंगबाजी रंगली होती. पतंग उडवण्यासाठी वापरण्यात आलेला मांजा हा अनेक पक्ष्यांसाठी जीवघेणा ठरला आहे. लहानांपासून मोठय़ांपर्यंत सर्वानी पतंगबाजीचा आनंद लुटला असला तरी हा आनंद अनेक पक्ष्यांच्या जीवावर बेतला.

या जखमी पक्ष्यांमध्ये एक पळस, मैना , शरटी, घुबडे, कोकिळा, कबुतरे असे पक्षी जखमी झाले. मात्र, यामध्ये सर्वाधिक कबुतरे होती. पतंगाच्या मांज्यामुळे जखमी झालेल्या ५७ कबुतरांवर उपचार करून त्यांना कबुतरखान्यात सोडण्यात आले. तर जखमींपैकी सात पक्षी गंभीर जखमी झाले असून यामध्ये दोन घारी, दोन कोकिळा, दोन कबुतरे आणि एक घुबडीचा समावेश आहे

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com